Page 10 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

АММОСОВ АБРАМ ВАСИЛЬЕВИЧ
(1918-1991)

1918 сыллаахха I Курбуһах нэһилиэгэр Истээх
алааска Михаил Тимофеевич уонна Мария Васи­
льевна Местниковтар дьиэ кэргэннэригэр төрөөбүт.
Кыһалҕалаах дьадаҥы ыал буолан уолларын Аммо­
сов Василий Иванович диэн киһиэхэ ииттэрэ биэр-
биттэр, онон иитиллибит дьонунан Аммосов Абрам
Васильевич буолбут.
Орто Эбэ сэттэ кылаастаах оскуолатыгар үөрэнэ
сылдьан 17 сааһыгар комсомол кэккэтигэр киирэн,
нэһилиэк общественнай-политическай олоҕор көх-
төөхтүк кыттан барбыт. Нэһилиэккэ ааҕар балаҕан
сэбиэдиссэйинэн, салгыы Чирэпчигэ маҕаһыын сэбиэдиссэйинэн үлэлээбит.
1938 сыллаахха комсомол обкомун иһинэн пропагандистар куурустары-
гар үөрэххэ ыытыллыбыт, бүтэрэн баран комсомол Уус Алданнааҕы райко-
мугар пропагандиһынан үлэлээбит. Бу үлэлии сылдьан комсомол обкомун
рекомендациятынан 1938 сыл атырдьах ыйыгар Дьокуускайдааҕы нацио-
нальнай байыаннай оскуолаҕа курсанынан ылыллыбыт уонна 1939 сыл
атырдьах ыйыгар ити оскуоланы ситиһиилээхтик үөрэнэн бүтэрбит. Үчүгэй
үөрэҕин иһин «САССР 15 сыла» үрүҥ көмүс бэлиэнэн наҕараадаламмыт.
1940 сыллаахха байыаннай оскуоланы бүтэрбит курсаннары кытары
Иркутскайга салгыы үөрэнэ барбыт уонна Батарейная ыстаансыйаҕа взвод
хамандыырынан анаммыт.
1942 сыллаахха Читаҕа Сретенскэйдээҕи пехотнай училищены бүтэрэн
баран 1947 сылга диэри маҥнай Амуро-Забайкальскай байыаннай уокурук-
ка 206-с туспа танковай минометнай взводун, кэлин рота хамандыырынан
сулууспалаабыт. 1945 сыллаахха японскай милитаристары утары сэрии
кыттыылааҕа. Аармыйа политбюротун, холбоһук партийнай комиссиятын
чилиэнинэн сылдьыбыт.
1945 сыллаахха «Бойобуой үтүөлэрин иһин» мэтээлинэн, 1985 сыллаах-
ха Аҕа дойду сэриитин I истиэпэннээх уордьанынан наҕараадаламмыт.
1947 сыл тохсунньуга аармыйаттан демобилизацияланан кэлбит уонна
төрөөбүт оройуонугар 1947-1950 сылларга Уус Алдаҥҥа комсомол райко-
8