Page 76 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

рыллан аармыйаҕа барбыт. 1950 сылга диэри Забайкальскай байыаннай
уокурукка сулууспалаабыт. 1945 сыллаахха 1-кы стрелковай полк 27-с би-
ригээдэтин састаабыгар киирэн Японияны утары сэриигэ кыттыбыт. Онтон
салгыы 142-с танковай полкаҕа Т-34 танкаҕа стрелок быһыытынан уонна
байыаннай чаас харабыллыыр сулууспатыгар сылдьыбыт.
«Японияны кыайыы иһин», «Германияны кыайыы иһин» мэтээллэри-
нэн, Аҕа дойду сэриитин II истиэпэннээх уордьанынан, Кыайыы үбүлүөй-
дээх мэтээллэринэн наҕараадаламмыт.
Аармыйаттан кэлэн Дьокуускайга суоппардары үөрэтэр оскуолаҕа
үөрэнэн, суоппар идэтин баһылаан, дойдутугар өр кэмҥэ идэтинэн үлэлээ-
бит. Төрөөбүт нэһилиэгэр бастакы суоппарынан биллэр.
Николай Лазаревич кэргэнинээн Елизавета Григорьевналыын 34 сыл
бииргэ олорон 8 оҕону төрөтөн-иитэн, үөрэттэрэн, үлэһит дьон оҥортоо-
буттара. Кинилэр олохторун сиэннэрэ, хос сиэннэрэ салгыыллар.

Ахтар-саныыр күндү дьонум : [Н.Л.Васильев уонна Е.Г.Аммосова туһунан].—
Дьокуускай : ИП Троев Ю. А., 2015.— 79 с.
***
Охлопков, А. Лааһарабыстар / А. Охлопков // Ленинскэй тэрийээччи. — 1991.— Бэс
ыйын 4 к.

ВАСИЛЬЕВ НИКОЛАЙ НИКОЛАЕВИЧ I
(1910-1963)

1910 сыллаахха I Курбуһах нэһилиэгэр Хоту Са-
раахха Кустуур диэн сиргэ Николай Гаврильевич
уонна Ефросинья Игнатьевна Васильевтар дьиэ
кэргэннэригэр төрөөбүт.
Сэрии иннинэ «Кыһыл хардыы» холкуос биир
бастыҥ үлэһитэ. Үлэҕэ дьулуурун, бэйэтин харыс-
таммакка үлэлиирин иһин Дьэбир Ньукулай диир
буолбуттар.
1941 сыллаахха Чурапчы оройуонун байыаннай
комиссариатынан ыҥырыллан бастакы хомуурга
сэриигэ барбыт. Арҕааҥҥы фроҥҥа алтынньы ый
5 күнүгэр тиийбит. Москва таһынааҕы кыргыһыыга хорсуннук сэриилэс-
пит. Д. Д. Петров «Якутия в годы Великой Отечественной войны» кини-
гэтигэр маннык суруйбут: «Мы прибыли под Москву 5 октября 1941 года,

74