Page 83 - Курбуьахтар А5а дойду кемускэлигэр

’’
f

Ким. да умнулмубат, ту о к да умнуллубат!

НЫАИЫЫ!
ВИНОКУРОВ ФЕДОР ИННОКЕНТЬЕВИЧ
(1910-1980)

1910 сыллаахха II Курбуһах нэһилиэгэр Инно­
кентий Николаевич уонна Дария Федоровна Вино-
куровтар дьиэ кэргэннэригэр төрөөбүт.
Ликбезкэ үөрэнэн ааҕар, суруйар буолбут. Ста­
лин аатынан холкуоска араас үлэҕэ үлэлээбит. Сэ-
рии кэмигэр Булуҥ оройуонугар балыкка үлэлии
сылдьыбыт.
1944 сыллаахха холкуоһугар суотчутунан үлэлии
олорон Чурапчы оройуонун байыаннай комиссариа-
тынан ыҥырыллан сэриигэ барбыт. Японияны ута-
ры сэриигэ кыттыбыт. Хайлар, Харбин, Чойбалсан
туһаайыыларынан сэриилэспит. Атаҕар бааһыран өр госпитальга эмтэммит.
Сэрииттэн демобилизацияланан дойдутугар старшай сержант звание-
лаах этэҥҥэ эргиллэн кэлбит.
Аармыйаттан кэлээт холкуоһугар булчутунан сылдьыбыт. 1954 сыллаах­
ха кадровай булчут буолан, өрөспүүбүлүкэҕэ бастаан, Бочуот дуоскаты-
гар тахсыбыт. Кэнники Балаҕаннаах маҕаһыыныгар атыылааччынан, ра-
диһынан, почтальонунан үлэлээбит.
Кини барыга-бары сүрдээх дьоҕурдааҕа, хаартыскаҕа түһэрэрэ,
1966 сыллаахха Бэс Үрэх сайылыкка радио линиятын тардан үлэҕэ киллэр-
бит.
«1941-1945 сс. Аҕа дойду Улуу сэриитигэр килбиэннээх үлэтин иһин»,
«Японияны кыайыы иһин», Кыайыы үбүлүөйүнэй мэтээллэринэн наҕараа-
даламмыт.
Кэргэнэ Протопопова Матрена Герасимовналыын 9 оҕону төрөтөн,
атахтарыгар туруорбуттар. Билигин элбэх сиэн, хос сиэн эһэлээх эбэ олох-
торун салгыыллар.

Иккис Курбуһах Сталин холкуоһа Кыайыы туһугар. — Дьокуускай, 2007 —
С. 29-30.
Киинэ — олохпут аргыһа : Уус Алдан улууһугар киинэ сайдыытын 85 сыла —
Дьокуускай, 2016,— С. 88.
* * *
Винокурова, А. Ааспыт сыллар содуллара / Анна Винокурова // Мүрү саһарҕата. —
2017,— Ыам ыйын 26 к.

81