Page 86 - Курбуьахтар А5а дойду кемускэлигэр

Курбуһахтар дойду көмускэлигэр

КЫАИЫЫ!
ГОГОЛЕВ ПЕТР МИХАЙЛОВИЧ
(1914-1963)

1914 сыллаахха I Курбуһах нэһилиэгэр Кэбэчи-
ки диэн сиргэ Гоголев Михаил Евграфович уонна
Бурнашева Мария Ивановна дьиэ кэргэннэригэр
төрөөбүт. Бииргэ төрөөбүт төрдүөлэр: икки кыыс,
икки уол.
Петр сэттэ кылааһы үөрэнэн бүтэрбит. Сэрии
иннинэ райсовекка инструктордаабыт, онтон Суот-
ту суолун тутуутугар үлэлээбит.
«Таайым Бүөтүр хаһыат актыыбынай селькора,
ликбезкэ улахан дьону үөрэппит.
Бүөтүр 1942 сыл балаҕан ыйын 4 күнүгэр бэ-
биэскэлэммитэ, оройуонтан быраһаайдаһа кэлэн барбыта. Миэхэ куруук
кэмпиэт кэһиилэнэр бэйэтэ, ыксаан туга даҕаны суох кэлбитигэр ытаабып-
пын өйдүүбүн. Кини Кавказскай фроҥҥа аттаах сэриигэ сулууспалаабыт.
Эльба өрүс иһин кыргыһыыга улаханнык бааһырбыт. Байыаннай комис-
сияҕа көрөннөр, инбэлииккэ таһаарбыттар. Сэрии кэнниттэн Бакуга нефть
харабылыгар сылдьыбыт.
1949 сыллаахха сулууспаттан босхолонон дойдутугар кэлэн иһэн
ыарыыта бэргээн, сылайан, Читаҕа вокзалга утуйан хаалан, докумуонун ба-
рытын уордарбыт. Арҕаа фронтан иһэр биир дойдулааҕын Г.Н. Бурнашеву
көрсөн, иккиэн бииргэ дойдуларын булбуттар. Бурнашев Гаврил Николае­
вич кэпсииринэн, Петр Михайлович уордьаннаах, хас да мэтээллээх эбит.
Ону түүн утуйа сыттахтарына барытын уоран ылбыттар. Фроҥҥа түспүт
аҕыйах хаартыскатын онно-манна ыспыттарын илдьэ кэлбит этэ», диэн
балта М. Бурнашева ахтыытыгар суруйбут.
Петр сэрии кэнниттэн почтальонунан, Томтор балыыһатыгар хаһаайыс-
тыбаннай чааһынан үлэлээбит. Манна үлэлии сылдьан диспансер медсес-
тратын кэргэн ылан биир кыыстаммыт.

Окоемов, Н. Ытык сааһым ахтыылара / Николай Окоемов. — Дьокуускай, 2015.—
С. 79-80.
* * *
Бурнашева, М.Таайдарым сырдык кэриэстэригэр / М. Бурнашева // Мүрү саһар-
ҕата,— 2015,— Муус устар 30 к.— С. 4.

84