Page 5 - Күүрэннээх үлэ кэмнэрэ

L
ЕЗГ ■ ТлЗ' '-•=54
Партизан Заболоцкой аатынан совхоз 50 сила

Убаастабыллаах ааҕааччы!

Уус Алдан улууһугар тыа хаһаайыстыбатын са-
лаатыгар бастакы артыаллартан, табаарыстыба-
лартан, колхозтартан саҕалаан совхоз курдук бө-
дөҥ тэрээһиннээх хаһаайыстыбалар кэмнэригэр
тыа сиригэр үгүс сүөһүнү, сылгыны иитии, үүтү,
эти оҥоруу, дэлэтии ситиһиллибитэ, сиргэ үлэ
уонна производство атын көрүҥнэрэ киэҥ далаа-
һыннаахтык сайдыбыттара, чулуу үлэ маяктара
үүнэн тахсыбыттара.
Улууспут тоҕус Геройуттан биэһэ быһаччы кол-
хоз, совхоз производствотыгар күүрээннээхүлэлэринэнүрдүк кирбиилэ-
ри ситиспит киэн туттар ытык дьоммут буолаллар. Кинилэр ааттарыгар
- Үлэ Геройа Грамоталаах Данил Гаврильевич Бурцевка, Социалистичес-
кай Үлэ Геройдара Елизавета Ивановна Бурцеваҕа, Анастасия Семеновна
Копыринаҕа, Россия Үлэҕэ Геройа Михаил Николаевич Готовцевка, Үлэ
Албан аата уордьан толору кавалера Николай Дмитриевич Бурнашевка
улууспут дьоно-сэргэтэ сүгүрүйэр!
Быйылгы 2024 сылга Үлэ Геройа Грамоталаах Данил Гаврильевич
Бурцев төрөөбүтэ 125 сылын улуус общественноһа бэлиэтиир. Маны
таһынан бөдөҥ хаһаайыстыбалар - Партизан Заболоцкай, Герой Его­
ров ааттарынан уонна «Дүпсүн» совхозтар тэриллибиттэрэ 50 сыллара
бэлиэтэнэр.
Партизан Заболоцкай аатынан совхоз оройуоҥҥа биир бөдөҥ хаһаа-
йыстыбанан буолбута. Совхозка араас сылларга директордарынан П.П.
Бурнашев, Г.Н. Степанов, В.Ф. Неустроев, Р.П. Попов, С.П. Жирков ситиһии-
лээхтик үлэлээбиттэрэ. Совхоз отделениеларыгар, бөһүөлэктэригэр эл-
бэх производственнай уонна социальнай объектар - сүөһү турар улахан
комплекстар, кормоцехтар, рабочайдар олорор дьиэлэрэ, хотоннор, га-
ражтар, детсадтар, кулууптар, спорт саалалара тутуллубуттара.
Пятилеткалар былааннарын толорууга күүрээннээх, таһаарыылаах
үлэ түмүктэрин, ситиһиилэрин туоһуларынан үгүс өйдөбүнньүк Кыһыл
Знамялар, вымпеллар буолаллар, бастыҥ үлэһиттэр чемпион ыанньык-
сыт, бороон көрөөччү, сылгыһыт, суоппар, тракторист, булчут, коммунис-
тическай үлэ ударниктара, пятилетка гвардеецтара, социалистическай
куоталаһыы кыайыылаахтара буолбуттара.
Чулуу үлэһиттэр М.П. Стрекаловскай, М.И. Новгородова, Е.Е. Атласов
ССРС уордьаннарынан наҕараадаламмыттара, Р.И. Васильева, Д.И. Бори­
сова Саха АССР Үрдүкү Сэбиэтин депутаттарынан быыбардаммыттара.
Үйэ аҥаардаах кэрдиис кэм - бу аҕа көлүөнэ дьоммут олохторун анаа-
быт үтүө кэмнэрэ, дьулуурдаах, бэриниилээх үлэлэрин холобурдара
үүнэр көлүөнэҕэ салҕаныаҕа, үтүө өйдөбүл, махтал, сүгүрүйүү бэлиэтэ
буолуохтара. Онуоха бу маннык кинигэлэр ааспыт кэмнэри сэгэтэн кө-
рөр, билэр, үөрэтэр уонна үйэтитэр суоруллубат суруктар буолуохтара.

Василий Иванович АММОСОВ,
«Уус Алдан улууһа»
олохтоох бэйэни салайыныы оройуонун баһылыга