Page 7 - Күүрэннээх үлэ кэмнэрэ

Партизан Заболоцкай аатынан совхоз 50 сила
__________

Совхозпут кини аатын сукпутэ

Лөгөй сиригэр 1958 сыллаахха Лысенко
уонна Калинин аатынан холкуостар холбоһон
бөдөҥсүйбүт Партизан Заболоцкай аатынан
холкуос тэриллибитэ. Биир дойдулаахтара саҥа
бөдөҥсүйбүт холкуоска аатырбыт биир дойду-
лаахтарын кыһыл бартыһаан Михаил Михайло­
вич Заболоцкай аатын иҥэрбиттэрэ.
Дьэ, ол кэмтэн ыла кыһыл бартыһаан аатын
сүгэр холкуос, кэлин сопхуос оройуоҥҥа эрэ
буолбакка, бүтүн Саха сиригэр, Союзка биллэр хаһаайыстыба буолан,
үлэни кыайан-хотон, ситиһиилэнэн үрдүкү наҕарааданы - Үлэ Кыһыл
Знамята уордьаны ылыар диэри ньиргиччи үлэлээн кэлбитэ.
Бу ситиһиилэргэ биһиги Тулунабыт биригээдэтэ, отделениета ула-
хан кылааты киллэрсибитэ диэн киэн тутта этэбит. Ол курдук, сүөһүнү,
сылгыны иитиигэ, бородууксуйаны оҥорууга, дороххой аһылыгы
бэлэмнээһиҥҥэ биригээдэбит, отделениебыт үлэһит дьоно инники
күөҥҥэ сылдьыбыттара, биэс сыллаах былааннары толорууга, аһара
толорууга сүҥкэн ситиһиилэммиттэрэ, бастыҥ көрдөрүүлэммиттэрэ.
Холкуос, сопхуос бастыҥ үлэһит дьоно Х.Г. Мигалкина, Р.Г. Троева,
Д.А. Васильев, Г.К. Колесов, Ф.С. Охлопков, Е.М. Еремеева правитель­
ство үрд үк наҕараадаларын -уордьаннары ылар чиэскэ тиксибиттэрэ.
А.М. Атласова ССРС Үрдүкү Сэбиэтин, А.Н. Бурнашева, М.Н. Мигал­
кина Саха АССР Үрдүкү Сэбиэтин депутаттарынан быыбардаммытта-
ра, А.Г. Мигалкина холкуостаахтар Бүтүн Союзтааҕы III съезтарын де-
легатынан талыллыбыта.
Партизан Заболоцкай аатынан сопхуос Тулунатааҕы отделение-
тын өр сылларга ситиһиилээхтик салайбыт управляющайдарынан
К.Г. Колесов, В.П. Слепцов, В.М. Дегтярев, Е.П. Константинов, С.С. Дег­
тярев, Д.М. Сторожев, П.П. Бурнашев буолаллар.
Тулуна биригээдэтин, отделениетын биир ураты хайысхатынан
килиэккэлээх кыылы иитиинэн идэтийэн дьарыктаныыта буолар.
Өссө 1957 сыллаахха тэриллибит хаһаайыстыба кэлин сопхуос саҕа-
на «Кэрэмэс» диэн государственнай племхаһаайыстыба буолбута,
республикаҕа тиийэ биллибитэ. Бу хаһаайыстыбаны сүүрбэччэ сыл
Бочуот Знага уордьан кавалера, Саха АССР тыатын хаһаайыстыбатын
үтүөлээх үлэһитэ П.П. Сивцев салайан үлэлэппитэ.
Быйылгы сопхуос үбүлүөйдээх сылыгар тахсар кинигэҕэ күүрээн-
нээх үлэ сылларыгар Тулунабыт отделениетын хас да көлүөнэ туруу
үлэһит дьонун сыралаах, бэриниилээх үлэлэрин туһунан билсиэхпит.
Билиҥҥи көлүөнэ дьон үлэни өрө тутуу холобурдарын кытта бил-
сиэхтэрэ, инники олохторугар үтүө өйдөбүллээх буолуохтара диэн
эрэнэбит!

Петр Егорович БУРНАШЕВ,
«II Лөгөй нэһилиэгэ»
олохтоох бэйэни салайыныы тэриллиитин баһылыга