Page 59 - Сахаайа Ермолаева Күөрэгэйим ыллаата
P. 59
Чэмэлэспит сэргэх эбээлэр
Чэй иһэ-иһэ сэлэһэллэрэ —-
Сылааһы, оҥү намылытан
Самыырдыырга дылылар.
Лип-лап тыллардаах эһээлэр
Лиҥкинэһэр саҥалара
Быйаҥы котөҕон иһэр
Былыт этиҥинэн энсэллэр.
Өлгөм үүтү ыабыт саҥастар
Үорбүт-коппүт куоластара —
Суулаһан мустубут хатыҥнар
Суугуннарын санаталлар.
Үлэлэригэр тиэтэйэн
Өрүкүспүт отчуттар,
Тыал түспүт тыа маһыныы,
Таһырдьа-иһирдьэ мөхсоллөр.
Үрэх икки оттүгэр үүммүт
Үорүнньэҥ тэтиҥ кыргыттар,
Хатыылаах харыйа уолаттар
Ханыылаһан оһуокайдыыллар.
Алаас-сыһыы үгүс дьоно
Айылҕаларын курдук кэрэлэр:
Өбүгэ үчүгэй үгэстэрэ &
Өлбөтөҕүн туоһулууллар.
99 Улуу эбэбит Өлүонэ
Улахан, оччугуй үрэхтэрин
Үмүрү тардан сомоҕолоон,
Үс үөһүн уолбат үйэлиир.
Ол курдук, эмиэ,
Оччугуй, улахан улуустарын
Түмэн биир санаалыыр
Сомоҕолоһуу идеятын
Суолтата бүгүн ордук улаатта.
57
