Page 54 - Сахаайа Ермолаева Күөрэгэйим ыллаата
P. 54
Тимир суол кыайан-хотон
Тилэри сүүрэн тиргиллэр.
"Мин дьиэм ыраах турар,
Миэхэ куттал суоһаабат", — диэн,
Түмсүүлээх буолартан аккаастаныы
Төһө сөптөөх өйдөбүлүй?!
87 Хоп-сип, сорох дьахтар курдук,
Хостон-хоско хобутунуур.
Холуннарсыы, сорох эр киһи курдук,
Хонтуораҕа хонтооруҥнуур.
Өһүөннэһии, өстөһүү
Үһүс муннугу үескэтэр.
Хараҥа быһыы
Хайдах түмүктэнэрин
Хайабыт да билэр...
Оччоҕо —
Ону сэмэлээбэккэ,
Билэ-билэ
Билбэтэҕэ буоларбыт,
Көрө-корө
Корбөтөҕө буоларбыт —
Түмсүүбүтүн сатарытарбыт
Төлкөбүтүгэр охсоорой?
88 "Барар сирэ —
Баҕана иинэ,
Кэлэр сирэ —
Кэлии үүтэ" буолбут
Арбита бэйиэт муҥурданыытын,
Грибоедов "өйүттэн муҥнаныытын"
Билиилээхтэр кэпсэтэллэрин
Биһирэмнээн истэбин.
