Page 17 - Дорообо оскуола

Тоҕус геройдаах Уус Алдан улууһа
Егоров Гаврил Васильевич -

Хабырылла Дьөгүөрэп
(1879-1942 сс.)

Гражданскай сэрии Геройа.
1879 с. кулун тутар 28 күнүгэр Байаҕантай улуу-
һун (билиҥҥи Уус Алдан улууһун сорҕото) Тандаҕа
дьадаҥы дьиэ кэргэҥҥэ төрөөбүтэ. 1918 с. Саха си-
ригэр сэбиэскэй былааһы олохтоспута, үрүҥ баан-
далары үлтүрүтэр улахан кыргыһыыларга кытты-
быта. 1923 с. Пепеляев генерал сэриититтэн Амманы
босхолооһуҥҥа холобура суох хорсун быһыыны
оҥорон, саамай үрдүкү наҕарааданан - Бойобуой Кыһыл Знамя ордены-
нан бэлиэтэммитэ. Ити оччотооҕуга Герой сулуһугар тэҥнэһэрэ.
Гражданскай сэрии бүтэн, эйэлээх олох саҕаланарын кытта саҥа
олоҕу тутууга актыыбынайдык кыттыбытынан барбыта, сир түҥэтигин
ыытыспыта, бастакы холкуостары тэрийсибитэ. Уус Алдан, Нам, Таатта,
Чурапчы уонна Кэбээйи оройуоннарыгар 20-тэн тахса оскуоланы, интер-
наттары, балыыһалары, учууталлар олорор дьиэлэрин, баанньыктары
бэйэтэ быһаччы салайан, маастардаан туттарбыт культармеец.

Лонгинов Владимир Дионисьевич

(1919-1943 сс.)
Советскай Союз Геройа.
1919 с. балаҕан ыйын 2 күнүгэр Байаҕантай
улууһун (билиҥҥи Уус Алдан улууһун сорҕото) Тан-
датыгар төрөөбүтэ. Аҕа дойду Улуу сэриитигэр
206-с стрелковай полкаҕа сулууспалаабыта. 1943 с.
күһүнүгэр Днепр өрүһү өстөөхтөн былдьыыр иһин
кыргыһыыга көрдөрбүт хорсун быһыытын иһин
Советскай Союз Геройун аата иҥэриллибитэ. Вла­
димир Лонгинов Украина сиригэр сэриилэһэ сыл-
дьан, Черкасскай уобалас Пшеничники дэриэбинэни босхолуур иһин
кыргыһыыга өлбүтэ.

Стрекаловскай Михаил Михайлович

(1914-1989 сс.)

Российскай Федерация Геройа.
1914 с. олунньу 4 күнүгэр Дүпсүн улууһуrap (би-
лиҥҥи Уус Алдан улууһун сорҕото) I Өспөх нэһи-
лиэгэр төрөөбүтэ. 1944 с. Польшаҕа Нарев өрүһү
туорааһыҥҥа Советскай Союз Геройун аатыгар тү-
һэриллибит. Россия Геройун аата 1996 с. кулун ту­
тар 27 күнүгэр Российскай Федерация Президенин
уурааҕынан өлбүтүн кэннэ иҥэриллибитэ. Саха си­
рин олохтоохторуттан Российскай Федерация бас­
такы Геройа буолар.