Page 105 - Мындааба спортсменнара

туруоран утары оонньуурбут. Маннык дьарык туһалааҕа биллибитэ.
Оройуон спартакиадатын кыайбыппыт наһаа үөрүүлээҕэ.
Табаарыспыт олох олорорго тардыһыыта кинини Дьааҥы мааны-
лаах кыыһын, учуутал идэлээх Галина Михайловна Слепцованы кытта
көрүһүннэрбитэ. Кинилэр сүбэлэрин холбоон, дьиэ-уот тэринэн, оҕо
төрөтөн, урууну-аймаҕы халыҥатан наһаа дьоллоохтук олорбуттара.
Тэрилтэбит эдэр дьоҥҥо утары баран, чааһынай, уһаайбалаах дьиэ
биэрбитэ. Бу да көрдөрөр Гена үлэһит бэрдэ буоларын, тэрилтэтигэр
сыаналанарын. Галя, олох Гена дьолугар көрсүбүт тапталлаах киһитэ.
Хоту дойду оҕото буолан, сүрдээх киэҥ-холку, үлэһит, дьаһаллаах,
ылыммытын тиһэҕэр тиэрдэр үтүөкэн хаачыстыбалардаах хаһаайка.
Галя Мындаабаттан Майаҕаска сатыы сылдьан учууталлаабыта. Мын-
даабабыт Тойон Мүрү алаас томтойор киинэ буолан, икки үрэх, ула-
хан айан аартыктара Эбэттэн тахсаллар, сүрдээх тыаллаах, тибиилээх
буолааччы. Дьэ, ону тоҕу солоон сылдьара. Бары сөҕөр этибит. Гена
бульдозерынан суол астарара.
Биһиги үс дьиэ кэргэн: Семеновтар, Емельяновтар, Дедюкиннар
буолан бырааһынньыктары эҥин бииргэ ылааччыбыт. Оҕолорбут
бары саастыылар.

1/Г) п £|