Page 103 - Мындааба спортсменнара

БИИРГЭ ҮЛЭЛЭЭБИТ, КҮРЭХТЭСПИТ
ТАБААРЫСПЫТ ГЕНА ТУҺУНАН ИҺИРЭХ ТЫЛ

Геналыын 1980 сыллаахха ыал-
ларбытыгар Ефимова Маайалаах-
ха, табаарыспыт Витялаахха бил-
сибиппит. Онтон, 1984сыллаахтан,
үөрэхпин бүтэрэн «Якутмелио-
водстрой» трест Уус Алданнааҕы
көһө сылдьар механизированнай
колоннатыгар үлэлии кэлиэхпит-
тэн ыкса билсэн, бииргэ үлэлээн,
кэнсиэрдэргэ ыллаан, спорт араас
көрүҥнэригэр биир хамаандаҕа
кыттан кэлбиппит.
Бастакы ыал буолбут олоҕор,
Свинобоевтар диэн спорт, уруһуй өттүгэр талааннаах аймахха күтүөт
буолбута, уол оҕоломмута
Быһыт, күрүө тутуулара, сири оҥоруу, нүөлсүтэр систиэмэлэри
оҥоруу, тыа хаһаайыстыбатын сайдыытыгар араас үлэҕэ оройуону
кэрийэ сылдьан үлэ барара. Гена суоппар буолан, араас массыына-
ларга: ГАЗ-53, ГАЗ-66, МАЗ үлэлээбитэ. Бииргэ биригээдэнэн Тандаҕа
Таанньараҥ диэн сиргэ, билигин Үлэ Геройа буолбут ыанньыксыт Го­
товцев Михаил Николаевич салайар ферматыгар, сиилэс траншеята
туппуппут. Онно Т-74 тракторга олорор буровойбутун Гена үлэлэп-
питэ. Эргэ техника алдьанара элбэх этэ да, оҥорон иһэрэ, үлэбитин
кэмигэр туттарбыппыт.
Оччолорго мелиорация систиэмэтигэр тэрилтэ базата сайдарыгар
тутуу бөҕө ыытыллара. Биһиэхэ барыта баара: олорор дьиэ, детсад,
баанньык, почта, медпункт, библиотека, кэлин өссө остолобуойдаах
этибит. Таас котельнай тутуллан, дьиэлэр киин ититии систиэмэлэ-
ригэр холбоноллоро. Онон үлэлииргэ, сайдарга усулуобуйа баара.
Тэрилтэбитигэр үксэ эдэр ыаллар этибит. Онон бары бииргэ бул-
таан, кустаан, куобахтаан, наһаа бэркэ сынньанарбыт. Мелиора­
тор күнүн бэлиэтиир, ыһыахтыыр анал сирдээх этибит, Тойон Мүрү
Эбэҕэ. Сүөһү өлөрөн ыһыах ыһарбыт, күрэхтэһэрбит. Хонтуорабыт