Page 121 - Мындааба спортсменнара

буолбутум. Ол курдук түөлбэм, нэһилиэгим, улууһум, үлэлиир тэрил-
тэм чиэһин элбэх күрэхтэргэ көмүскээбитим. Саамай улахан сити-
һиим - Бүлүүгэ ыытыллыбыт Манчаары оонньуулара күрэххэ кыт-
тыым. Онно III миэстэ буолбутум. Ол сыл Рыбинскай куоракка баран
күрэхтэһиигэ кыттан кэлбитим. Онон олохпор аан бастаан Москваны
көрөр дьолломмутум. Кэнники профсоюзтар спартакиадаларыгар
улууһум, тэрилтэм аатыттан кыттан III миэстэ буолбутум. Онон мин
40 сааспын ааһан баран, спорт эйгэтигэр сыстыбыппар, тренербэр
Михаил Семеновичка махталым улахан.

Николай Николаевич Портнягин,
«ОДьКХ» ГУП суоппара

МЫНДААБА - ДЬОЛЛООХ ОҔО СААҺЫМ
ТҮӨЛБЭТЭ

Биһиги дьиэ кэргэн Мындаабаҕа 14 сыл
олорбуппут. Аҕам Доҕордуурап Станислав Ми­
хайлович, ийэм Кононова Январина Иванов­
на, иккиэн Чурапчыттан төрүттээхтэр. Аҕабыт
үөрэҕин бүтэрбитин кэннэ Уус Алдаҥҥа үлэҕэ
анаан, Мындаабаҕа олохсуйбуппут.
Биһиги, оҕолор, бииргэ төрөөбүт төрдүөбүт.
Убайым Баанньа Москваҕа, мин Чурапчыга,
икки балтыларым Бороҕоҥҥо төрөөбүттэрэ.
Мин 2 саастаахпар Мындаабаҕа көһөн тиий-
биппит. Аҕам, ийэм иккиэн Сельхозтехни-
каҕа үлэлээбиттэрэ. Кэнники сылларга Сель-
хозхимия диэн тэрилтэ тэриллиэҕиттэн аҕам
начальниктаабыта. Ийэм Сельхозтехникаҕа буҕаалтырдаабыта, гл.
буҕаалтырдаабыта. Оччолорго Мындаабаҕа үлэ күөстүү оргуйара.
Сельхозтехникаҕа үлэһит, техника элбэҕэ. Хонтуораҕа Мындааба дьо-
но-сэргэтэ, оҕолор бары сылдьан, киэһэтин сынньанан, теннистээн,
бильярдаан бириэмэ атаарар этибит. Ити билиҥҥи интернат буолан
турар хонтуорабыт Мындааба тэбэр сүрэҕэ этэ. Бырааһынньыктар,