Page 123 - Мындааба спортсменнара

оонньуур буоламмыт, тустууга бэлэм соҕус курдук этибит. Оскуола
заалыгар баата мааттары тэлгэтэн, хомуйан дьарыктанар этибит. Ха-
лыҥ, ыйааһыннаах баҕайы мааттар этилэр. Билигин тустууга саҥа
кэлэр кыра кылаас оҕолоругар оннук маат учугэй буолуо эбит диэн
саныыбын. Элбэх саҥа тустууга кэлбит оҕо билиҥҥи кытаанах маатка
доргуйан да тохтоон хаалаллар быһыылаах.
Бастакы тренербин Татаринов Серафим Михайловиһы ахтан
ааһыахпын баҕарабын. Улаатан баран санаатахпына, бастакы тренер
тустуукка улахан суолталаах эбит. Бастакы тренер тустуу уопсай өй-
дөбүлүн, сөптөөх хамсаныыны туруорар эбит. Итини Серафим Михай­
лович биһиэхэ олох үчүгэйдик туруорбута. Элбэх албастаах бросковай
стиль туруорбут эбит. Аммосов Миша тустара көрөргө үчүгэй да буо-
лара. Кэнники 2013 сыллаахха Манчаарыга бэтэрээннэргэ хапсаҕайга
туста сырыттаҕына көрсүбүтүм. Онно да биир хапсыһыытыгар кыл-
бардык хамсанан өттүктээн кыайбытын көрбүтүм.
Миэхэ тустуум ситиһиилээх соҕус саҕаламмыта. 4-с кылааска
сылдьан 3 бастакы күрэхтэһиибин кыайбытым. Ол курдук, оскуола-
быт күрэхтэһиитин, орто школа аһаҕас турнирын уонна Сыырдаах-