Page 49 - Мындааба спортсменнара

........................о

биллэр тустууктар бааллара, кинилэр кэннилэриттэн төрдүс миэстэ
буолбутум. Сааспынан, ыйааһыммынан барыларыттан кыра, ол он-
нугар уҥуохпунан барыларыттан улахан этим.
Аҕыйах кун дьарыктаммыт киһиэхэ син сөп улахан ситиһии
этэ. Итинтэн сиэттэрэн тустуохпун баҕарбытым да, хараҕым мөл-
төх буолан («высокая миопия» диэн) быраастар боппуттара. Онон
тустан бүппүтүм. Дьиэм таһыгар бырааттарбар перекладина, ыста-
нар сир оҥорбутум. Перекладинаҕа боростуой упражнениелары
үөрэппитим. Ганяҕа, Андрейга, Коляҕа, Макарга боростуой приемна-
ры көрдөрөрүм. Баҕар, биир эмэ киһи спорка сыстыа дуу диэн баҕа
санаалаах этим. Ахсыһы бүтэрэн баран үөрэххэ барбытым. Ити кур-
дук уон алта сааспыттан дьиэбиттэн тэйбитим.

Роман Романович Крылов

ДУОБАТ - МИН ОЛОХПОР

Хас биирдии киһи олоҕор сөптөөх дьа-
рыгы таларыгар кыра эрдэҕинэ аттыгар
баар араас дьарыктаах, дьоҕурдаах улахан
дьон сабыдыала элбэҕи быһаарар. Кыра
оҕо дьоҕурун сайыннарарга аан бастаан
төрөппүт оруола олус улахан эбит дии са-
ныыбын. Ол курдук, аан бастаан миигин
начальнай кылааска үөрэнэр кэмнэрбэр
дуобакка ийэм Евдокия Васильевна үөрэп-
питэ. Киэһэ аайы дуобат оонньоору, ийэм
иллэҥ буоларын олус диэн кэтэһэр этим.
Ийэм түргэнник күннээҕи үлэтин үмүрүтэн,
миигин кытта оонньоотун диэн, ыксалынан
ходуһаттан ынахтары ыамҥа үүрэн аҕала-
рым. Ону ааһан, ол саҕана наһаа кэтэһии-
лээх киинэҕэ да барбат этим. Оннук мии­
гин уһуйбута, угуйбута ийэм үөрэппит оонньуута. Кыра оҕо барыны
бары интэриэһиргиир, сытыы өйүн сөпкө туһанан итинник оонньуу-