Page 54 - Мындааба спортсменнара

ындааба спортсменнара

Үлэлии-үлэлии оройуон күрэхтэһиилэригэр кыттар этим. 1975 с. Бэй-
диҥэҕэ буолбут улахан дьон оройуоннааҕы күрэхтэһиитигэр үһүс
буолбутум. Ол кэнниттэн тустуубун тохтотон дуобакка, саахымакка
көспүтүм. Билигин кырдьаҕастарга «Абылаҥ» кулууптарыгар сылдьа-
бын уонна күрэхтэһиилэрин көтүппэппин.

ДОЙДУМ, ДЬОНУМ -СЭРГЭМ ТУҺУНАН
ҮТҮӨ ӨЙДӨБҮЛ

УМНУЛЛУБАТ ОҔО СААҺЫМ КЭРЭ КЭМНЭРЭ

От ыйын 22 күнүгэр 1949 сыллаахха II Өлтөх нэһилиэгин Арыы-
лаах диэн дэриэбинэтигэр күн сирин көрбүтүм. Оччотооҕуга аҕыйах
дьиэлээх Орто Эбэ диэн ферма учаастага үһү. Ийэм тракторынан бур-
дук бааһыната оҥоро сылдьан, киирэн оҕоломмут. Ийэм Ноговицына
Елизавета Николаевна бастакы тракторист-комбайнер дьахталлартан
биирдэстэрэ, оттон аҕам Винокуров Афанасий Федорович бастакы
тракторист, тракторнай биригээдэ биригэдьиирэ. 1943 сыллаахха ыал
буолан, ийэм 10 оҕоломмутуттан бастакы уонна үһүс оҕолоро кыра-
ларыгар тымныйан ыалдьан күн сириттэн барбыттар, биһиги, аҕыс
оҕо, улаатан, үөрэнэн, үлэһит буолан, билигин бэйэбит кырдьан оло-
рон оҕолорбутугар көмөлөһөбүт, сиэннэрбитин бэрийэбит.
Төрөппүттэрим механизатордар буолан, оҕо сааһым бу билигин
ааттанар Мындаабаҕа ааспыта. Урут «МТС», онтон «РТС», кэлин РО
«Сельхозтехника» диэн ааттардааҕа.
Мындаабаҕа олорор механизатор ыаллар бары элбэх оҕолоох
этилэр, ол Свинобоевтар, Крыловтар, Тролуковтар, Дьяконовтар,
Винокуровтар. Билигин санаатахха, интэриэһинэйэ баар, бу ыаллар
бары элбэх уол оҕолордоох эбиттэр. Онон биһиги төрөөбүт сыллар-
бытынан тус-туспа көлүөнэ дьон улаатан тахсыбыппыт.
Холобурун ыллахха, бастакы көлүөнэ 1943-1945 сыллаахуолаттар:
1. Бурцев Виталий;
2. Неустроев Семен;
3. Свинобоев Иннокентий;
4. Винокуров Афанасий;

9г>г