Page 70 - Мындааба спортсменнара

ындааба спортсменнара

ОҔО СААСПЫ Т ДОҔОРО ГОША БУРЦЕВ

Мин, Крылов Гаврил Романович, төрүт
Мындааба олохтоҕо, оҕо сааһым доҕотторун,
РТС уолаттарын туһунан ким, хаһан, хайдах
саҕалаан спордунан дьарыктанан, оччотооҕу
бириэмэҕэ тугу ситиспиттэрин туһунан суру-
йуохпун баҕардым.
Бастатан туран, кыратык дэриэбинэм туһу-
нан билиһиннэрдэхпинэ, оройуоҥҥа бас-
таан саҥа техникалар кэлэр буолан, Механи­
зированная тракторная станция (МТС) саҥа
бөһүөлэк 1935 сыллаахха тэриллибитэ, онтон
РТС, РО «Сельхозтехника» диэн ааттаммыта.
Билигин урукку аатынан Мындааба диэн буол-
ла. Бу бөһүөлэк сэрии иннинэ, сэрии кэнниттэн манна үлэлээбит ме­
ханизатор дьоннортон үөскээбитэ. Биһиги кыра эрдэхпитинэ дэриэ-
бинэҕэ аҕыйах дьиэ баара. Ыаллар үксүлэрэ элбэх оҕолоох этилэр.
Крыловтар, Дьяконовтар, Тролуковтар, Ефимовтар биэстии, Вино-
куровтар, Свинобоевтар, Ноговицыннар түөртүү уолаттардаахтара.
Тролуков Гриша быраата Алешалыын, Заровняев Вася быраата Але-
шалыын (Өччөйдүүн). Төһө да дэриэбинэбит кыра, аҕыйах дьиэлээх
буоллар, бары тэҥҥэ улаатан иһэр уолаттар көхтөөх баҕайы этибит.
Спорка бастакы угуйааччыбытынан уонна тэрийээччибитинэн
буолар Бурцев Гоша (Егор Васильевич). Кини көҕүлээһининэн оччо-
лорго волейболлуур площадка, атах оонньуутугар ыстанар, мохсуо-
луур сир, перекладина оҥорторбута. Перекладинаҕа, кольцоҕа наһаа
үчүгэйдик оонньуура, кыаллара, арааһынай упражнениены оҥороро.
Мин кыра сылдьан бэйэбин кыаммат, аккыраҥ киһи этим. Ол упраж-
нениеларын биһиэхэ көрдөрөрө уонна үөрэтэрэ. Биһиги оскуолаҕа
үөрэнэр сааспытыгар «выход силой», боростуой упражнениелары
оҥорор буолбуппут. Атах оонньуутугар эмиэ үчүгэйдик ыстанара,
бастыҥнар истэригэр сылдьаллара: Дьяконов Гоша, Готовцев Ганя
(Хайытар), Крылов Рома, Заровняев Алеша. Кыһыҥҥы өттүгэр РТС
хонтуоратыгар теннис, бильярд оонньуурбут. Теннискэ үчүгэйдик
оонньууллара: Дьяконов Гоша быраатынаан Васялыын оройуоҥҥа