Page 74 - Мындааба спортсменнара

ындааба спортсменнара

Боксаны сөбүлээн дьарыктанан, хаста да бириистээх миэстэлэргэ
тиксибитэ. Мае тардыһыытыгар ыһыахтарга, тэрилтэлэр икки арды-
ларыгар өрүү кыттара. Ыһыахтарга элбэхтик мүһэ сиэбиппитэ буолуо.
Кыайыы өрөгөйүн билэрэ. Мээчигэр да күүстээх оонньооччу этэ. Ол
курдук мээчиги саайара, быһара сытыы этэ. Боксаҕа дьарыктанары-
гар, дьиэтигэр өрүү «груша» ыйанан турара. Табаарыс уолаттара кэлэ
бара саайа оонньууллара, биһиги грушаҕа ыйанан эргитэн-эргитэн
баран, төттөрү эргитэн оонньуурбут диэн балта Таня астына ахтар.
Боксаҕа салгыы дьарыктаммытым буоллар, боксер буоларым хаал-
лаҕа буолуо диэн күлэрэ. Ити курдук, наһаа чиэс-бочуот, үрдүк си-
тиһии да буолбатар, бэйэтэ бэйэтигэр дьарыктанара. Күүс-уох да от-
түнэн кыанар киһи этэ. Ол курдук, ардах түстэҕинэ да, мотоциклынан
ханна баҕарар наадалаах сирбитигэр тиийэрбит, уруулу кыайа-хото
тутара.
Биһиги 1973 сыллаахха ыал буолбуппут. Икки оҕолоохпут, сиэн-
нэрдээхпит, хос сиэннэрдээхпит.
Оҕолорбут, сиэннэрбит да спордунан дьарыктаналлар. Уолбут
Афоня мээчиктиир, хоккейдыыр, футболлуур. Араас күрэхтэһиилэргэ
улууһун чиэһин көмүскэһэр. Кыыспыт Настя сүүрэр, мээчиктиир.
Сиэннэрбит: улахан сиэн Афоня эһэтин курдук мае тардыһыы-
тынан дьарыктаммыта, кыра уол Коля теннистиир. Кытайга биир са-