Page 99 - Мындааба спортсменнара

Слепцов миэхэ кэлэн тардыалаан баран:
«Дьэ убайыҥ Коля ыйааһыныгар эн тустар
эбиккин, Коля ыйааһынын үөһээ тахсыа. Эн
хамаанда састаабыгар киирэҕин», - диэтэ.
Икки бииргэ төрөөбүт убайдарым Ганя
уонна Коля ол күрэхтэһиигэ бааллара, онон
миэхэ өй-санаа өттүнэн өйөбүл буолбутта-
ра. Коля ыйан-кэрдэн биэрээччи буолбута.
Убайым Ганя кыайдаҕым аайы миэхэ ыал-
дьан хаһыы-ыһыы бөҕө. Ити күрэхтэһии-
гэ хаста да тустубутум, мин холбор биллэр
улахан тустууктары Захаров Ваняны (Өнөр)
уонна Бурцев Ваняны (Тулуна) кытта тус-
тубуппун өйдүүбүн. Финалга Захаров Ва-
нялыын тустан чөмпүйүөн үрдүк аатын
сүкпүтүм. Убайым Ганя ол кыайыыбар
үөрэн, миэхэ 21 кэппиэйкэлээх доминотааҕар улахан сакалааттары
маҕаһыын кумааҕытыгар толору тутан киллэрэн биэрбитэ. Ону би-
лигин да өйдүүбүн.
1975-1976 үөрэх дьылыгар Бээрийэ 8 кылаастаах оскуолатыгар
ырыа уонна музыка учууталынан үлэлээбитим. Үөрэх дьыла бүппүтүн
кэннэ бииргэ олорбут, үлэлээбит Саввин Петр Николаевичтыын Бээ-
рийэттэн Бороҕоҥҥо диэри түүннэри сатыы түһүнэн кэбистибит,
Мүрү алааспытыгар сарсыарда 8 чаас диэки кэлбиппит. Дьиэбэр кэ­
лэн баран аһыы охсон баран Чараҥҥа оройуон ыһыаҕар тэбинним.
Тиийбитим, спорт комитетын председателэ Протопопов Андрей Ан­
дреевич көҥүл тустууга кандидат Константин Борисовы илиититтэн
өрө тута-тута: «Москва чемпионун кытта ким тустар баарый?» - диир,
төгүрүччү хаамар. Ким да киирбэт. Мин толкуйга түстүм. Москва чем-
пионугар кыайтардахха да астык диэн баран, хапсаҕайдаһа киирдим.
Тустуу саҕаланна. Киһибин атахха тэбэн баран сүнньүттэн умса тар-
дан кэбистим. Киһим түөрт атах буола түстэ. Көр оннук, оройуон ула­
хан ыһыаҕын мүһэтин ылан турабын.

Макар Романович Крылов
2023 сын