Page 63 - Өрүкүйэр сүрэҕэ өрүү инники. (Голиков Николай Леонидовичка ананар)

йыаннай дьайыыга сылдьарын истибитим. «Биһиги Колябыт танкист буолбут», - диэн Лидия Никола­
евна кэпсээччи. Кинини кэлин көрсөрбөр «видеозвоногунан кэпсэттибит, сотору уоппускаҕа кэлиэх-
тээх» диэбитэ да...
Коля, эн сырдык мөссүөнүҥ, истиҥ мичээриҥ биһиги сүрэхпитигэр өрүү баар!

Наталия Дмитрьевна Охлопкова,
социальной педагог, СӨ үөрэҕин тиһигин туйгуна. 2023 с.

БИҺИГИ ӨЙБҮТҮГЭР КУРУУК БААРГЫН...

• — •5* — 4 * — ❖ --------- •
Голиков Коля А.Н. Жирков аатынан Бэйдиҥэ орто оскуолатыгар 2019 сыл-
лаахха Найахыттан кэлэн, 10 кылааска биир чиэппэр үөрэммитэ. Коля кылгас
кэмҥэ да үөрэннэр бэйэтин киһи быһыытынан үчүгэй эрэ өттүнэн көрдөрбүтэ.
Кылааһын оҕолорун кытта түргэнник уопсай тыл булбута,учууталларга убааста-
быллаахтык сыһыаннаһара. Олус элэккэй, үөрүнньэҥ, туту да көрдөстөхпүтүнэ,
улгумнук сөбүлэһэрэ. Оскуола, кылаас тэрээһиннэригэр көхтөөҕө. Интэринээккэ
да олорор кэмигэр үлэһиттэргэ үтүө өйдөбүлү хаалларбыта.
Волейболунан, баскетболунан утумнаахтык дьарыктаммыта. Улуустааҕы
физкультура олимпиадатыгар призер буолан, биһигини үөрдүбүтэ. Спорт хайа
да көрүҥэр дэгиттэр эбит этэ. Кылгас да кэмҥэ алтыспыппыт иһин биһиги Ко-
лябытын наһаа үчүгэйдик саныыбыт, ахтабыт, суохтуубут. Коля төрөппүттэригэр, аймахтарыгар, чугас
дьонугар дириҥ кутурҕаммытын тиэрдэбит.

Наталья Борисовна Докторова.
А.Н. Жирков аатынан Бэйдиҥэ орто оскуолатын учуутала.
Бэйдиҥэ нэһилиэгэ, 2023 с.

«КӨЛ ҮКЭЧЭЭН» АНСААМБЫЛ ҮҤКҮҮҺҮТЭ
•---❖ — ❖ — •5*----•

Коля кыра кылааска үөрэнэ сылдьан, «Көлүкэчээн» оҕо үҥкүү кэлэктиибигэр киирбитэ. Үҥкүү
кэлэктиибин СӨ үөрэҕириитин, култууратын туйгуна, бииргэ төрөөбүт эдьиийим Мария Васильевна
Лебедкина уонна мин буолан салайабыт. Коля «Көлүкэчээҥҥэ» дьарыктанар кэмигэр грузинскай,ту-
рецкай, «Русская плясовая», «Чэйиҥ эрэ, уолаттар!» уо.д.а.араас норуоттар үҥкүүлэрин дьон биһирэ-
билин ылар курдук толорбута. «Көлүкэчээннэр» араас таһымнаах үгүс куонкурустарга кыттан, хас да
төгүллээх лауреат, дипломант буолбуппут. Үҥкүүһүт оҕолорбут нэһилиэк, оскуола иһигэр ыытыллар
тэрээһиннэргэ көхтөөхтүк кытталлара.