Page 68 - Өрүкүйэр сүрэҕэ өрүү инники. (Голиков Николай Леонидовичка ананар)

Коля... төһө да этиҥ-сииниҥ салгыны эҕирийэрэ
тохтоотор, ЭН ТЫЫННААХХЫН! Биһиги өйбүтү-
гэр-санаабытыгар сүүрбэччэлээх эдэркээн бэ-
йэҥ мэлдьи бааргын! Быраатым барахсан, быдан
дьылларга быраһаай!

Валерий Николаевич Голиков
биригэдьиир сылгыһыт,
«Баһаарга хорсунун иһин» ЫБММ мэтээлин,
РФ Президенин «Эр санааланыы» уордьанын кавалердара,
Найахы нэһилиэгин Ытык киһитэ.
2023 с.

БЫРААППЫТ КОЛЯ

•— <$•—•}*—•?•— •
Коля кыра эрдэҕиттэн бэйэтин кыанар оҕо диэн өйдүүбүн. Оскуолаҕа үөрэнэр сылларыгар спорт
араас көрүҥнэринэн дьарыктаммыта. Элбэхтик оскуолатын, нэһилиэгин, улууһун чиэһин чэпчэки
атлетикаҕа, баскетболга, кыттан көмүскээбитэ. Уус-Алдантан хапытаан буола сылдьыбыта. Бу кини
тэрийэр дьоҕурдааҕын, эппиэтинэстээҕин, уустук түгэҥҥэ оҕолоругар холобур буоларын көрдөрөр.
Сайын аайы дьонугар көмөлөһөн оттуура. Өссө алын кылаастан тыраахтар ыытара, от мустарара.
Ыарахантан толлон турбата, харса суох түһүнэн иһэрэ.
Оҕо-оҕо курдук куруук үөрэ-көтө, тугу эрэ гына сылдьара. Иллэҥ буоллар эрэ эрчиллэн тахсара.
Бултуурун, балыктыырын сөбүлүүрэ, айылҕаҕа сылдьарын астынара. Оҕобут элбэх кэпсээннээх буо-
лара. Көрдөөх түгэннэрин кэпсии-кэпсии, дьэ, үөрэр да эта.

Эрдэ барыах быатыгар эбитэ дуу, киһини бэ-
йэтигэр тардар күүстээҕэ, сөбүлэтэр, кэрэхсэтэр
уратылааҕа.

Александр Егорович Колосов, кутуетэ,
«Саха-Азия оҕолоро» фонда стипендиата, СӨ
үөрэҕириитин туйгуна,
физическэй култуура уонна спорт туйгуна
Нам улууһа, 2023 с.