Page 26 - Ахтар ытык иэстээхпит

суруллара, барыларыгар кэрийэн илии баттатыллара. Дьэ ити
курдук, үлэҕэ-хамнаска үрдүк эппиэтинэстээх киһи буолан миэхэ
улахан көмөнү оҥороро. Кини баар буолан үгүс үлэм үмүрүйэн
иһэрэ, кини баар буолан ол-бу бытархайга төбөм ыалдьыбата, кини
баар буолан күннээҕи түбүкпүт бүтэн-оһон иһэрэ. Миитэрэйдиин
бииргэ үлэлиир кэммэр кинитгэн элбэххэ үөрэммитим, дьону
салайар кистэлэҥҥэ сыстыбытым, үлэни тэрийэр сатабылы
ылыммытым. Кэлин да бэйэ-бэйэбитин олус үчүгэйдик
санаһарбыт.
Уһун кэмҥэ быраһаай, аҕа саастаах үлэһит табаарыһым, миэхэ
олох оскуолатын бастыҥ учууталынан буолбут Дмҥгрий Иванович.
Эн үлэҥ-хамнаһьпг туһунан дьонуҥ-сэргэҥ, оҕолоруҥ-сиэннэриҥ
мэлдьи сыаналыы, саныы, ытыктыы сырыттыннар.
Константин Константинович СЛЕПЦОВ,
1973-1982 сылларга Сыырдаах отделениегын управляюшайа,
Уус-Аддан улууһун Бочуоттаах олох гооҕо,
Ытык Сүбэ чилиэнэ

САҺЫЛ МИИТЭРЭЙ

- Саһыл Миитэрэй туһунан ахтыыта оҥор диэтиҥ дуу? Онтон
саһыл ферматын тэрийэн уһуннук үлэлээбитэ. Онон атын дюнтон
арааран Саһыл Миитэрэй диэн ааттыырбыт. Миитэрэйдээх Маайа
мин биир дойдулаахтарым. Элбэхтик эн-мин дэһэн аалсыбыт
дьонум. Басгакы уолларын Диманы (Стводу) мин оҕолообутум.
Миигин баспыттан атахпар диэри таҥыннарбыттара, - диэн
саҕалыыр бэйэтин ахтыытын үлэ ветерана Евдокия Филипповна
Захарова (Крылова). - Бэйи, Миитэрэйиҥ сахалыы өйдөөх киһи
этэ. Наһаа тэрээһиннээҕэ, инникитин көрүнэрэ. Хатыҥ
Сыһыыттан манна олохсуйа кэлбит дьону барыларын кэриэтэ
үлэнэн хааччыйбыт да, хааччыттарбыт да киһи. Кэлин сааһыран
баран, кыратык амсайбыт да буоллаҕына, ол ахсааҥҥа ылыллар
дьыала буолбатах.
Евдокия Филипповна: "Миитэрэй эдэригэр үөрэммитэ буоллар
ханнык баҕарар салайар үлэҕэ үлэлиир кыахтаах киһи быһыылааҕа".
- Этимэ, - диир Дьэбдьэм. - Хойут, сааһыран баран, саһыл
иитээччи үөрэҕэр үөрэммитэ. "Тугу да быраҕан тураҥҥыт,
оҕолоргутун үөрэттэриҥ. Үөрэхтээх дьон оннооҕор сэриигэ өлөн-
охтон биэрбэттэр этэ. Мин бу курска үөрэнэн таҕыстым. Билигин
толору үлэлиир бырааптаахпын",—дии-дии, үөрэр-көтөр этэ. Баҕар,
ол сүбэтэ көмөлөспүтэ буолуо. Кырдьык, туох кыалларьгнан оҕолор
үөрэнэ сатаатылар. Син дьон тэҥэ үлэлии-хамсыы сылдьаллар. -
диэн Дюбдьэ кэпсиир.
Кэлин Сыырдаахха олохсуйан баран, Дьэбдьэ кэлэ-бара
Миитэрэйдээххэ таарыйар эбит. Онно сырыттаҕына төһө да
чугаһын иһин сайылыктарын Хатыҥ Сыһыы туһунан ахтыһан
ааһаллар эбит. Миитэрэй: "Бу дойдуну булбуппут туох да ночоото