Page 28 - Ахтар ытык иэстээхпит

БЫРААБЫЛА КЫТААНАҔА

Убайбыт Дмитрий Иванович Стручков лэс курдук кыра
уҥуохтаах, толору эттээх-сииннээх, мэлдьи үлэлии-хамсыы
сылдьар, кэлин сааһыран баран өйдөөтөххө, эргитиилээх,
кэпсэтиилээх, оччоттон ырыынак үйэтин киэҥ дьаһаллаах киһитэ
эбит.
1959-1964 сылларга уруккута "Хатыҥ Сыһыы" колхоз сорох
оҕолоро Миитэрэйдээххэ олорон Сыырдаах оскуолатыгар
үөрэнэрбит. Дьиэлэрэ улахан, күөлү өҥөйө, оскуолагтан чугас
тутуллубут буолан олус сэргэх этэ. Арыт биһигини чуумпурдар,
оччотооҕу санааҕа сүрдээх мааны ыалдьытгар сылдьан бараллара.
М иитэрэй "Победа" колхозка саһыл фермата тэрийэн
сэбиэдиссэйинэн үлэлиирэ. Саҥаспыт Маайа оҕо тэрилтэтигэр
үлэлиир быһыылааҕа. Сорох киэһэлэргэ кыракый хоспут иһигэр,
утуйар таҥаспытын тэлгээн баран, Миитэрэй биһигини анаан
минээн туһуннаран оонньоторо. Ол кырдьык-хордьук тиритии-
хорутуу умнуллубат өйдөбүлэ буолан мин өйбөр хатанан хаалбыт.
Кыайбыт оҕону үөрэн-көтөн туран хайгыыра, туох эмэ
"ыстыылыгы" барыбытыгар тутгартьгыра. Тустар быраабылабыт
сүрдээх кытаанаҕа - үөхсүө уонна ытыа суохтаахпыт.
Кэлин ыал буолан дьиэ-уот тутгарбар улаханнык көмөлөспүтэ.
Пилорамаҕа мас хайыттарыыга оҕолорун илдьэ тахсан бэйэтинэн
көмөлөһөрө, хотон туттан сүөһү иитэрбэр кыһаллара. Хотон
тутуохпар диэри сүөһүлэрбин бэйэтигэр туруоран кыстаппыта.
Дмитрий Иванович дьоҥҥо-сэргэҕэ киэҥник биллэр аата -
Саһыл Миитэрэй диэн. Бу ааты Миитэрэйгэ уһун сыл устата
саһыл ферматыгар үлэлээбититтэн таһааран сыһыарбыттара.
Тыыннааҕар миэхэ сөп-сөп сылдьар буолара, ирэ-хоро
кэпсэтэрин сөбүлүүрэ, сүбэ-ама биэрэрэ, арыт сэмэлээн өй уган
барара. "Өгөх төҥүргэстээх, сурт кэриэсгээх", - дииллэринии
Миитэрэйдээх Маайа олорбут дьиэлэрин аччьпый уоллара Валерий
Дмитриевич саҥардан оҥоттордо. Өссө эбилик тутуу салҕатан
маҕаһыын астаран, күннэтэ дьон-сэргэ тоҕуоруһар сирэ буолла.
Оҕолоро бары үөрэхгэнэн - Дьокуускайга, Бүлүүгз, Халымаҕа тиийэ
тарҕанан Стручковтар ааттарын ааттата, үлэлии-хамсыы
сылдьаллар.
Данил СТРУЧКОВ,
Бэрт Ууһун Бочуотгаах олохтооҕо,
Миитэрэй быраата

АЙЫЛГЫ МАЙГЫЛААХ КЫРДЬАҔАС

Биһиги начальнай кылааска үөрэнэ сырыттахпытына арҕаа
Нэмтиэҥнэ саһыл фермата тэриллэн үлэлиирин билэрбит. Аан
маҥнай сааһыары, наһаа үчүгэй күн кылааһынан онно экскурсияҕа
илтилэр. "Айдаарымаҥ”, - диэн эрдэ сэрэтэн, биһиги тимир сиэккэ