Page 26 - Нэһилиэк төһүү дьоно

Бүтүн оҥоруулаах буолан
(очерк)
Өлүүнү өҥөйөн баран
Ок-сиэ, ыарахан түүл курдук буолан түһэн,
тоҕо түнкэтэҕэй, чуумпутай? От-муус кыа-
һаан буолан турар. Түҥхараҥа түөрт өттүттэн
хаайан, субу кэлэн саба түһүөх курдук бары-
йар. Бэркэ чугаһаан кэллэххэ эрэ манна ыал
олорор сибикитэ баара биллэр. Хаарга ба-
тыллан турар саха балаҕана ыраахтан хаары
кытта хаар буолан көстөрө. Ону даҕаны оһох үөлэһиттэн дөрүн-
дөрүн кыым кыынньан тахсарыттан киһи сылыктыыр. Дьиэ иһи-
гэр киирэн да, итинтэн ордугу көрбөккүн. Умуллуохча умуллу-
бакка бэрт эрэйинэн умайа турар оһох дьиэ иһин бүдүк-бадык
сырдагар. Дьон күлүктэрэ дуу диэҕи, дьон бэйэлэрэ эбит, оһох
иннигэр умса туттан дүлүҥ олоххо олороллор. Санаалара түспүт,
арбы-сарбы буолбуттар. Дьиэлээх киһи Борокуопай атаҕын тум-
сун диэки тугу эрэ букунайар, кэргэнэ оһох хаҥас чанчыгар өйө-
нөн олорор. Кумуллан олорбутуттан уонна сотору-сотору тыас-
таахтык, ыарыылаахтык өрө сыҥарыттан сылыктаатахха, ытыыр
быһыылаах. Атын икки киһи баара, эмиэ тыас иһиллээбит кур-
дук, иһийбиттэр. Дьиэни эргиччи көрдөххө — уҥа орон баһын
диэки туох эрэ маҥан көстөр. Ол таһыгар саҥа маһынан оҥоһул-
лубутдьааһык дуу, хоруоп дуу турар. Суох, чахчыта хоруоп эбит.
Дьэ, бу бүтэй түүн олордохторо дии, ыар аһыыларыгар баттатан,
бу ыал эрэйдээх. Иллэрээ киэһэ икки саастаах уол оҕолоро суох
буолбута. Ийэтин илиитигэр сылаас сиҥэни иһэ сытан бараах-
таабыта. Онтон ыла ити аһыылаах ийэ хараҕын уута куура илик.
Эр дьон буорун үлэтин бүтэрэн киирэн олороллор. Сарсын та-
һаарыахтаахтар.
Өссө биир киһи баар эбит. Чуулаанна киирэр аан ойоҕоһунаа-
ҕы орон үрдэ хамсаата. Нэк суорҕан анныттан бастаан атахтара
быкгылар, онтон илиилэрэ адаарыҥнастылар, кэлин төбөтө дьэ
өндөйөн таҕыста. Олорон эрэтугу эрэ саҥардада, ким даөйдөөн-
дьүүллээн истибэтэ быһыылаах. Таҥаһын дуомун көхсүгэр саба
уурунна уонна орон сыҥаһатыттан тайанан, били көстөр маҥан
диэки барда. Тиийэн таҥаһы арыйда, тугу эрэ ботугуруу-ботугу-