Page 44 - Нэһилиэк төһүү дьоно

дуккун, төрут уларыйбатаххын. Билигин манна ким да олорбот.
Өтөхсуйдэ. Дьоммут кырдьаннар анараа дойдуга барбыттара
ыраатта. Аҕабыт, эдьиийбит Маайака сэрии кэнниттэн олохтон
барбыттара. Ийэбит дьоллоох биһиги ыал буолбуппут, оҕолом-
муппут кэннэ, икки ыал уонча оҕотун оҕолоон, толору дьоллоох киһи
курдук сананан, 80 сааһыгар тиийэн баран өлбутэ. Эн Дуунньаҥ
сэрии кэнниттэн сэлликтээн кун сириттэн бараахтаабыта. Эйи-
гин кэриэстээн кэргэн тахса, олоҕун оҥостуна сатаабатаҕа.
Хабырыыс балачча өр бүк түһэн сөҥүөрэн олордо, хараҕын
уутун кистии-саба ытыһын көхсүнэн сотунна уонна дириҥник
өрө тыынан баран, бэйэтин дьылҕатын кэпсээн барда...
— Лэгэнтэйдиин, байыаннай хамыыһыйаҕа көрдорө барбакка,
быһаччы фроҥҥа ыыталларыгар көрдөспуппут. Ылыммыттара.
Бэрт уһуннук, сылаалаахтык айаннаан тиийиэхтээх сирбитигэр
тиийбиппит. Тиийбит дьону араартааннар, Лэгэнтэй биһикки
атын-атын чаастарга тубэспиппит. Землянкаларга олорбуппут.
Дьэ, онно бу балаҕаным барахсаны суохтаабытынан бардым. Ба-
йыаннай уөрэхтээх киһини, миигин, рота старшинатынан анаа-
тылар. Саллааттар астарын, таҥастарын дьаһайсабын. Кун-дъыл
барара тургэн, алтынньы саҕаламмытынан барда. Хаардаата,
бастакы тымныылар туһэннэр, бачыынкалаах, синиэллээх дьон
тоҥмутунан бардылар. Байыаннай уөрэхпит саҕаланна. Миигин
сэрии сэбин, онтон да атын байыаннай дьыаланы уөрэтэргэ анаа-
тылар. Нууччалыы билбэт бэйэм дьоммун, сахалары, уөрэттэрди-
лэр. Үөрэхпит таһынан тутуу маһын хайытар пилорамаҕа улэлии-
бит. «Кыһыҥҥы таҥастарым ампаарга ыйанан баран турдахта-
ра» диэн ымсыыра санаталыыбын.
— Убаай, оһохпун оттон чэйдэ өруум, куөстэ буһарыым. Эн куөс
буһуор диэри хата өтөххун тахсан кэрийэн көр. Аҕыннаҕыҥ буолуо.
— Аҕынным аҕай. Сөпкө эттиҥ. Кырдьык, бээ, тахсан ону-маны
көрө-истэ туһуум, алааһым барахсаны аҕынным даҕаны, — диэт
Хабырыыс хап-сабар таһырдьа таҕыста. Баһылай соҕотоҕун
хаалла. Муус уурар умуһахтан балачча обургу соҕус кырбас эти
киллэрдэ. Хата эт балачча эмис эбит, били оҕус этиттэн эбит.
Ааспыт кыһын курулаан сылдьар оҕуһун сиэбитэ. Оҕус эдэр буо-
лан, этэ сымнаҕас, минньигэс. Эти үлтү сынньан, күөскэ уган
оһоҕор уурда. Үгэхтэн үүт, сүөгэй таһааран күөрчэх ытыйан бэ-
лэмнээтэ. Убайым, төрөөбүт аһын умнубута ырааппыт киһи.