Page 51 - Сэрии сылын о5олоро - Дүпсүн оскуолатыгар

үгүө майгылааҕа. Кини 16 оҕолоох оркестры салайбытынан,
үөрэппитинэн барбыта. Оҕолор сөбүлээн сылльан
барбыттара.
Киприян Семенович оҕолору бастаан музыкальнай
грамотар үөрэтэрэ. Оҕолор нотаны үчүгэйдик билбиттэрин
эрэ кэннэ инстру.меннарга эрчийэрэ. Оҕолор баҕаран туран,
көтүппэккэ сылдьан дьарыктаналларын түмүгэр
инструменнарга үчүгэйдик оонньуур буолбуттара.
Кинилэр Советскай Союз гимнин, «Пионерскай марш»,
«Туш», «Вальс», «Полька», «Краковьяк», «Магроский танец»,
«Танго», «Фокстрот» уо.д.а. ырыалары уонна үҥкүүлэри
толоруулара истээччилэри улаханнык биһирэппитэ.
Дүпсүн орто оскуолатын үөрэнээччилэрин күүһүнэн духовой оркестр кэрэ
дорҕооно аан бастаан үөрэнээччилэр оройуоннай уус-уран самодеятельностарын
көрүүгэ, Саха АССР тэриллибитэ 40 сылын туолар үөрүүлээх бырааһынньыгар
иһиллибитэ.
Оркесгр куруһуогун оҕолоро туризмҥа, спортивнай биэчэрдэргэ,
бырааһынньыктарга оонньууллара. Суббота аайы физзалга ыытыллар
танцыларга духовой оркестрынан үн күүлүүллэрэ. Ол биэчэрдэргэ кыргыттар
манан фартукгаах сылдьаллара, дьуһуурунайдар фартуга суох оҕолору
киллэрбэттэр этэ.
Ити духовой оркестр кружогар дьарыктаммыттара: Парников Вася,
Васильев Гоша, Оконешников Гоша, Гоголев Саша, Сивцева Дуня, Гоголева
Тамара, Максимов Петя, Федоров Ваня уо.д.а.
Духовой оркестрга сөбүлээн сылдьыбыт, дьарыктаммыт оҕолор кэлин
ырыаһыт, мелодисг, баянист буолугалаан культура эйгэтин үтүө-мааны
үлэһиттэрэ буолбуттара.

____ Оскуола уус-уран самодеятельноһа_____

Оскуолаҕа уус-уран самодеятельность туруга ордук киэҥ далааһыннаахтык
1961сылтан, И.С.Колодезников директордыы кэлбититтэп ыла саҕаламмыта.
Сыл аайы кылаастар икки ардыларыгар барар күрэхтэһиигэ хайа кьпаас
кыайбытын быһаарарга учууталлартан уонна үөрэнээччилэртэн састааптаах
жюри тэриллэрэ. Жюри күрэхтэһии балаһыанньатын оҥорон кылаастарга
эрдэттэн тарҕатар. Балаһыаиньаҕа концерт таһынан маассабай оонньуулары
тэрийии, творческай альбомнары оҥоруу киирэллэрэ. Концерт кэнниттэн
кылаасгар аттракционнары, маассабай үнкүүлэри, оонньуулары тэрийэн
ыыталлара.

49