Page 93 - Сэрии сылын о5олоро - Дүпсүн оскуолатыгар

Эһиэхэ иэйэн

Любовь Ивановна К ривогорницы на Дүпсүн
оскуолатыгар нуучча тылын уонна литературатын
учууталынан 1961, 1962, 1963, 1965 сс. выпустар
кылаастарыгар ситиһиилээхтик, үтүө суобастаахтык
үлэлээбитэ. Оҕо-аймах сөбүлүүр, ытыктыыр учууталлара этэ.
Кини үөрэппит оҕолоругар суруйбут суругуттан быһа тардан
суруйарбын көҥүллээҥ:
«...Үөрэппит оҕолорум барахсаттар тугу барытын
сыаналыы үөрэммит буоланнар, мэлдьи болҕомтолоохтук
көрөр-истэр буолаллара. Нус-бааччы майгылаах, айахха
киирбиччэ мээнэ-мээнэ саҥата суох сахалыы сиэри
иҥэриммит оҕолор этилэр. Ким даҕаны тосту-туора быһыыланыы, киһи
сүөргүлүүр ол-бу түбэлтэлэрин таһаарыы диэни билбэттэрэ — бу хааннарыгар
баар сахалыы үтүө-мааны бодолоро, майгылара-сигилилэрэ, дьиҥ сахалыы
дириҥ толкуйдара.
Оччотооҕу оҕолор үлэттэн атыны билбэггэрэ. Колхозтаахтар барахсаттар
оҕолоро, сорохторо сэрии саҕаланыытыгар, сорохторо сэрии бүтэһигэр
төрөөбүттэр кырыымчык оҕо саастаахтар. Кыра ньуолдьаҕай саастарыттан араас
ыарахан үлэни үлэлии үөрэммиттэрэ, олох бары кыһалҕаларын туораабыттара —
бу барыта кинилэр киһи буолан тахсыыларыгар дьайбыта саарбаҕа суох. Ол да
иһин билиигэ-көрүүгэ, үчүгэйгэ, үрдүккэ тардыһыылара күүстээх буолан, хас
биирдиилэринэн киһи киэҥ туттар дьонноро, үлэһиттэрэ буолан таҕыстахтара.
Мин бэйэм тус санаабын эттэхпинэ, оччотооҕу кэм оҕолоро буоланнар кыраттан
уолуһуйбат киэҥ көҕүстээхтэрэ, дуоспуруннук гутталлара, туохха барытыгар
кыһамньылаахтык сыһыаннаһаллара.
Үлэлиир кэммэр Дүпсүн оскуолатын 100 сыллаах юбилейа буолбута.
Бэлэмнэнии үлэ күһүҥҥэттэн саҕаламмыта. Онуоха оскуола ис-тас үлэтэ элбэҕэ.
Онно барытыгар, син биир үөрэнэллэрин курдук аккаастаммакка,
сүрэҕэлдьээбэккэ, онон-манан сылтанан көҥүллэтэ сатаабакка, бары биир киһи
курдук үлэлээн-хамсаан иһэллэрэ. Оскуола директора И.С.Колодезников Саха
театрын кытта кэпсэтэн, үҥкүүгэ үөрэтэр специалиһы аҕалбыта. Кини
салалтатынан, үөрэтиитинэн оҕолор хас да үҥкүүгэ үөрэммиттэрэ. Ону таһынан
хоровой, сольнай ырыаларга үөрэтии, хоһоон аахтарыы уо.д.а. Өссө спортивнай
күрэхтэһиилэргэ кытталлара, секцияларга дьарыктаналлара. Итини таһынан
оскуола, учууталлар, үлэһитгэр оттор мастарын оскуола бары үлэһиттэрин кытта
оҕолортэҥҥэ сылдьан бэлэмнэһэллэрэ. Онутаһынан интернакка олорор оҕолор
оттор мастарын, иһэр, туттар муустарын эмиэ оҕолор бэлэмнииллэрэ. Дьэ манна
барытыгар көстөр, бу көлүөнэ оҕолор өбүгэлэрин утумнаан үлэҕэ үөрүйэхтэрэ,
сынтарыйбат сындааһыннара, тулуурдара. Кинилэри үөрэппит үс сылым
былаһын тухары биирдэ да истибэтэҕим да, көрбөтөҕүм да оҕолор этиспиттэрин
даҕаны охсуспуттарын даҕаны. Ол иһин даҕаны билигин бары үөрэхтэнэн,
үлэһит буолан, дьон, салайааччы биһирэбилин ылан үтүө үлэһит буоллахтара.
Тус олохторугар ыал буолан ыччаттанан, үтүө-мааны дьон гына иитэн
таһаардахтара.

91