Page 95 - Сэрии сылын о5олоро - Дүпсүн оскуолатыгар

Бэһис түһүмэх

ОҔО СААСПЫТ ДОҔОТТОРО, АЙАММЫТ АРГЫСТАРА

____ Бииргэ үөрэммит үөлээннээхтэрбит_____

Дүпсүн оскуолатыгар араас нэһилиэктэртэн (Өнөр, Чэриктэй, Өсгюх,
Найахы, Баатаҕай, Түүлээх) араас дьылҕалаах оҕолор үөрэммиттэрэ. Элбэх
оҕолоох ыал хас да оҕолоро үөрэнэриттэн, ханна-хайа ыал оҕолорун айахтаан
олордор ыаллар суоҕуттан, үөрэттэрэллэрэ күчүмэҕэйиттэн, оҕолор кыһыны
супту ыраах сиртэн сатыы сылдьан үөрэммиттэрэ. Маннык кытаанах
балаһыанньаҕа сылдьар оҕолор уруок ааҕар усулуобуйалара хантан кэлиэй,
үгүстэрэ истибиттэринэн эрэ сылдьан үөрэммиттэрэ баар суол. Олох араас
ыарахаттарыттан, дьон араас сыһыаныттан, ас-таҥас тиийбэт тулаайах олохтон,
ыарыһах буолан үөрэммэттэрэ, оннооҕор биир эрэ предмеккэ күһүҥҥүгэ хаалан
баран кыайан кэлэн туттарбакка оскуолаттан бараллара элбэх этэ, сорохтор
оройуон атын оскуолаларыгар баран үөрэнэллэрэ. Ол да буоллар олох
очурдарыттан иҥнибэккэ-толлубакка ол саҕанааҕы олоххо социализмы тутан,
1980 сылтан коммунизм олоҕор тиийиэхпит диэн девизтэнэн, СПТУларга,
кылгас кэмнээх курстарга, училигцеларга, ВУЗтарга үөрэнэн идэ ылан, араас
идэлэргэ үлэлээн оҕо-уруу төрөгөн улаатыннаран, киһи гынан, дьон-сэргэ үтүө
эрэ тылынан ахтар үтүө-мааны үлэһит дьоно буолбуттара.
Светлана Абрамова

1941 с .________________________________________

Лыткина (Федорова Светлана Афанасьевна) - 1941 с.
от ыйын 13 күнүгэр Уус-Алдан Дүпсүнүгэр төрөөбүтэ. 1948 с.
Дүпсүн оскуолатыгар «0» кылааска үөрэнэ киирэр. 1960
сыллаахха Дүпсүн оскуолатын бүтэрэр. 1960-63 сыллардаахха
Дьокуускайга культпроссветка үөрэнэр. 1963-67 сс. Дүпсүн, Өнөр
кулуубар сэбиэдиссэй. 1967-70 сс. Якугскайга туббольницаҕа кадр
отделыгар делопроизводитель-инспектор. 1978-82 сс. Дүпсүн
совхоз кадр огделыгар старшай инспекгор. 1982-84 сс. Өнөр
сельсоветын секрегара. 1984-91 сс. Өнөр детсадын сэбиэдиссэйэ.
Пенсияҕа тахсан баран ЖКХҕа, библиотекаҕа үлэлээбитэ, РУНОтан,
администрацияттан грамоталардаах, эҕэрдэ суруктар.

Сыроватский Петр Николаевич — 1941 с. Уус-Алдан
улууһун Дүпсүн нэһилиэгэр төрөөбүтэ. Кини оскуолаҕа үөрэнэ
сылдьан кыра сааһыттан сылгыга эриллэн, буһан-хатан
улааппыта, сайын ыһыахтарга ат сүүрдээччи бастыҥа, ат
айааһааччы туйгуна. Аҕатыттан Сыроватскай Николай
Платоновичтан уһуйуллан, оскуолаттан уурайыаҕыттан сылгыһыт
үгүөтэ буолбута. Сири-уоту билэринэн киһиэхэ тэҥнэспэт
билиилээх этэ. Ол да иһин сылгы итээһинин хаһан да таһаарбат
этэ. Манна аҕатын үөрэҕэ-такайыыта улахан оруолу ылбыта
мэлдьэҕэ суох. Сырыыны кыайар, сыл ханнык да кэмигэр иҥнибэккэ ыҥыыр
атынан сылдьар, сороҕор уһаан, үйүө-ас да бүтэр кэмнэрин тулуйар — бу эмиэ

93