Page 60 - Тыыннаахтар олох олорор аналлаахатр

рии буойунун огдооботугар А.Ф.Неустроеваҕа толору хаач-
чыллыылаах биир хостоох квартира биэрбитэ. Онон Алек-
сандра Федоровна үйэтэ уһаан, сэриигэ өлбүт кэргэнэ,
Арамаан Көстөкүүнэбис оҥоруохтаах дьиэтин оннугар кыра
да буоллар дьиэлэннэ. Онтон Арамаана тыыннааҕа буол-
лар бу 70-ча сыл устата дьиэлэммитэ-уоттаммыта ыраатан,
оҕото-уруута элбээн, төһө эрэ дьоллоохтук сананан оло-
руо эбитэ буолла!.. Сэрии буойуннарын атын огдооболоро,
олохтон эрдэ туораабыттар туох санаалаах-оноолоох барбыт-
тарын бэйэлэрэ эрэ билэн, бу орго дойду олоҕуттан араҕыс-
гахтара... Хара дьайдаах сэрии!..

«ОЛОХПУН ДА БИЭРЭРБИН КЭРЭЙИЭМ СУОҔА!..»

Саха сирин алаастарыттан, үрэхтэриттэн үгүс колхуос-
таах, үөрэҕэ суох дьон сэрии уоттаах хонуутуттан ордон
кэлбиттэрин да иһин тиксибит, ылыахтаах наҕараадаларын
ирдэһэр кыахтара суоҕа. Кинилэр бэйэлэрэ этэллэринэн,
«Тыыннаах ордубут үөрүүлэригэр» ол наҕараадаларын ирдэ-
һэ да сатаабаттара.
Дьэ, маннык буойуннар суруктарын, наҕараадаларын ир-
дэһэр санаа Уус Алдан улууһун кыраайы уонна историяны
үөрэтэр музейын гөрүттээбит журналист, РФ үөрэҕириитин
туйгуна, СР культуратын үтүөлээх үлэһитэ, Уус Алдан улуу-
һун Бочуоттаах олохтооҕо Н.С.Пестряковка Улуу Кыайыы
20 сыллаах үбүлүойүн кэнниттэн киирбитэ. Кини ити сыл
хас да буойун наҕараадатын ирдэһэн сулууспалаабыт чаас-
тарыгар сурук ыыталаабыта. Николай Саввичка итинтэн
саҕаламмыта уһун, сындалҕаннаах, үксүгэр тугу да эрэн-
нэрбэт хардалаах сурукгары, телеграммалары тутуу, хат-хат
араас инстанцияларга тиийии, кэпсэтии... Дьаныардаах үлэ
хаһан баҕарар түмүктээх буолар. Николай Саввич көмөтү-
нэн Уус Алдан оройуонун эрэ буолбакка, республика араас
муннуктарыттан Аҕа дойду сэриитигэр кыттыбыт буойуннар
тус дьыалаларын, сэрии хонуутугар сылдьан ылбыт наҕа-
раадаларын ирдэһэн булбуттара, үтүө ааттара дьоҥҥо-сэр-
гэҕэ биллибитэ.
Н.С.Пестряков маны таһынан сэрии уотгаах толоонуттан
буойуннар суруйбут суруктарын хомуйуунан эмиэ дьарык-
таммыта. Николай Саввич үлэтин үгэнигэр сылдьан (1994 с.)
ыарахан ыарыыттан олохтон барбытын кэннэ кинини кыт-