Page 18 - Улуу кыайыыны уһансыбыттара Е.Д

Хос эһэлэрбинэн киэн
туттабын

1 Мин икки хос эһэлэрим сэриигэ
; ыҥырыллыбыттара, ийэм өтгүннэн хос эһэм
| -Тарскай Иннокентий Михайлович Уус-
•: Аллан улууһугар Батаҕай нэһилиэгэр 1924
! сыллаахха дьадаҥы бааһынай дьиэ
кэргэннигэр күн сирин көрбүтэ. Чараҥай уонна Нам улууһун Бөтүҥ оскуолатыгар
үөрэммит. Балтын Екатерина Михайловнаны кытта олус эйэлээхтик, үлэҕэ сыстаҕас
буола улааппыттар.
1942 с. балаҕан ыйыгар колхозка үлэлии сылдьан сэриигэ ыҥырыллан Илиҥҥи
Забайкальскай фроҥҥа 582 №-дээх стрелковай полкатыгар, кэлин 25-с суолу тутар,
өрөмүөннүүр биригээдэҕэ сулууспалаабыт. Япония утары сэрии кэмигэр
Манчжурияҕа Хайлар куоракка улахан эчийиини ылан, Орто Азия Самарканд
куоратыгар госпитальга сыппыт. Үс ый устата эмтэнэн баран, дойдутугар III
группалаах инбэлиит буолан төннүбүт. 1946 с. райпотребсоюзка суоччутунан
үлэлии киирэр. 1947 с. хос эбээбинэн Пухова Александра Андреевналыын ыап
буолан, 10 оҕону төрөтөн, ийэ-аҕа, эбэ-эһэ буолар дьолу билбиттэрэ. Хос эбэм
эмиэ өр сыл райпотребсоюзка бухгалтерынан, кассирынан, атыыһытынан
үлэлээбитэ. 1954 с. эһэбин Иркутскайга эргиэн кооперативнай оскуолатыгар
бухгалтерскай салааҕа үөрэххэ ыыталлар. үөрэҕин бүтэрэн үлэтин
райпотребсоюзка салгыыр. Бочуоттаах сынньалаҥҥа тахсыар диэри
райпотребсоюзка кылаабынай бухгалтерынан, сынньалаҥҥа тахсан баран
ревизорынан, уопсайа эргиэн салаатыгар 42 сыл устата үтүө суобастаахтык
үлэлээбитэ. Эҥкилэ суох үлэтин иһин 1966 с. «Советскай кооперация туйгуна»
ааты инэрбиттэрэ мээнэҕэ буолбатаҕа буолуо. Чахчы кини сыралаах үлэтин
сыанабыла буолар. Оттон 1968 с. Саха АССР Үрдүкү Сэбиэтин Президиумун
бочуотунай грамотатынан наҕараадаламмыта. Респотребсоюз бочуотунай
кинигэтигэр хос эһэм аата, үлэтэ суруллубута элбэҕи этэр. Ону таһынан, Улуу
Кыайыыны уһансыбытын иһин элбэх мэтээллэрдээх, «Аҕа дойду Улуу сэриитэ» 1
степеннээх уордьаннаах, бочуотунай грамоталардаах, махтал суруктардаах. Кэлин
сэрии 1 группалаах инбэлиитэ буолбута. Иннокентий Михайлович ыарахан
ыарыытган 1993 сыллаахха күн сириттэн барбыта. Кини 8 оҕото билигинулууспут
араас нэһилиэктэринэн, Дьокуускай куоратынан тарҕаһан олороллор. Бэйэлэрэ эмиэ
оҕолордоох, сиэннэрдээх улахан дьоннор.
Биир хос эһэм, ийэм ийэтин аҕата Константинов Андрей Григорьевич олох эдэр
сааһыгар бандьыыттары утары саа тутан сэриилэспит. Онтон немец өстөөхтөрө,
биһиги дойбутугар уоран саба түһүүлэригэр бастакы ынырыыга барбыт. Ол
сылдьаныалдьан төннөн кэлэн, кыайыы туһугар харсасуох үлэлээн, мэтээлининэн
наҕараадаламмыт. Уонна оройуон мунньаҕар быыстапкаҕа кыттар чиэһи ылбыт.
Кэлин колхозка чиэстээхтик үлэлии сылдьан өлбүт.
Онон хос эһэлэрим тустарынан оҕолорбор, сиэннэрбэр элбэхтэ кэпсиэҕим, бу
суруйууларбын кэлэр көлүөнэ кэнчээри ыччаппар хаалларыам. Хас биирдии салпаат
Дьоруой! Ким да умнуллубат, туох да умнуллубат!