Page 22 - Улуу кыайыыны уһансыбыттара Е.Д

Россия геройа - мин хос эһээм ’

Мин хос эһээм Михаил Михайлович
Стрекаловскай. Олунньу 4 күнүгэр1915
сыллаахха
Дүпсүн улууһун 1 Өспөх нэһилиэгэр
төрөөбүтэ. 1934 сыллаахтан ВЛКСМ
чилиэнэ, Дүпсүн орто оскуолатын 7
кылааьын ситиһиилээхтик бүтэрбитэ. Уус-
Алдан оройуонун ЗАГС- отделын милиция
сержана, комсомольскай тэрилтэ секретээринэн үлэлээбитэ.
1941 сыллаахха Копырина Александра Михайловналыын ыал
буолан, 8 оҕоломмуттара.
Сэриигэ 1942 сыллаахха ыҥырылллыбыта. 1944 сыл балаҕан ьтйьтн
5 күнүгэр Нарев өрүс арҕаа биэрэгэр өстөөх бөҕөргөтүнүүтүн
үлтүрүтүүгэ холобура суох хорсун быһыыны көрдөрөн Советскай
Союз Геройугар түһэриллибитэ. Хос эһээм армияттан кэлэн баран
салгыы милицияҕа үлэлиир баҕалааҕа, ону 1945 с сэтинньи 24
күнүгэр байыаннай — врачебнай комиссияны баран сэриигэ ылбыт
баастарынан, доруобуйатынан үлэлиир туруга суох диэн түмүк
оҥоһуллан милицияҕа салгыы үлэлиир баҕата туолбатаҕа.
Хос эһээм үлэлээбит милиция отделын үлэтин-хамнаһын
интириэьиргиирэ, сүбэ-ама буолара. Совет исполкомун
председателинэн, ойуур хаьаайыстыбатыгар үлэлиир кэмнэригэр
милиция отделын кытта ыкса сибээстээхтик үлэлээбитэ.
Онон оройуон социальнай - экономическай тутула сайдыытыгар
бэйэтин кыаҕынан үтүө суобастаахтык үлэлээн бочуоттаах
сынньалаҥҥа тахсан олорон 1989 сылга ыалдьан олохтон
туораабыта. 1996 сыл кулун тутар 27 кунугэр РФ Президенин
Ыйааҕынан Россия Геройа үрдүк аат сахаттан бастакынан өлбүтүн
кэннэ иҥэриллибитэ.
Хос сиэнэ Даниил Захаров.