Page 23 - Улуус спордун үйэтиппит учуутал, тренер. Иван Жирков

исполкомун бэрэссэдээтэлэ бэрт уһун дакылааты оҥордо. Ол кэн-
ниттэн наҕараадалааһын буолла. Наҕараадалара «За освоение це­
линных и залежных земель» диэн мэтээли туттарыы эбит. Уонтан
тахса киһиэхэ туттарбыттарын кэннэ, арай мин ааппын ааттыыл-
лар: «Награждается медалью «За освоение целинных и залежных
земель» студент института физкультуры из Якутии Жирков Иван
Михайлович» диэн эттилэр. Мин хаһан да маннык улахан саалаҕа,
буолаары буолан, атын куоракка наҕараада диэни ылбатах киһи,
сүрдээҕин долгуйдум, бирээмэ илиим-атаҕым былчыҥнара босхо
баран титирэстиир курдукпун. Эрээттэр быыстарынан бэрт уһун
сири хааман, кэтит кирилиэһинэн президиумҥа тахсан, кыра,
хатыҥыр баҕайы саха уола, бөдөҥ уҥуохтаах горком сэкирэтээ-
рин иннигэр тойтоллон тиийдим. Бурдук хомуурун күүрээннээх
үлэтин бастыҥ байыаһа диэтэххэ, киһи мыына көрүөх курдукпун
быһыылаах. Киһим күлбүтүнэн илиибин тутан эҕэрдэлээтэ уонна
түөспэр мэтээлбин иилэн, хоруопкалаах, киниискэбин илиибэр
туттаран кэбистэ. Мин долгуйуубуттан айахпыттан кыайан тах-
сыбат буолбут симик баһыыбабын, кэҕис гыннаран биллэрээт,
дохсун ытыс таһыныытын ортотунан олорор сирбин былдьастым.
1962 сыллаахха Омскайдааҕы физкультурнай институту бүтэрэн,
дойдубар кэлэн, оччотооҕу РОНО сэбиэдиссэйинэн үлэлии олорор
Семен Семенович Готовцев бирикээс таһааран, Дүпсүн орто оскуо-
латыгар физкультура учууталынан анаммытым. Дүпсүҥҥэ ананыым
остуоруйата, бу иннинээҕи сыл, 3 кууруска үөрэнэ сылдьан, бу оскуо-
лаҕа 1 ыйдаах пед.практикабын кэлэн барбытым, онно оскуола дири-
эктэрэ Иван Степанович Колодезников үлэлии кэлэрбэр ыҥырбыта
уонна төрөппүттэрим Дүпсүҥҥэ бааллара. Аҕам почта начальни-
гынан үлэлиирэ, онон сөбүлэһэн туох да мунааҕа суох анаттарбытым.
Мин оскуола кэнниттэн тута үрдүк үөрэххэ киирэн бүтэрбит киһи,
педагогическай ыстааһа суох буолан, учуутал үлэтин туһунан ула­
хан өйдөбүлэ суох этим. Ол гынан баран, мин дьолбор олус эйэлээх,
түмсүүлээх, сүрдээх үлэһит кэлэктиипкэ түбэһэн, элбэх сүбэни-аманы
ылан, элбэххэ үөрэнэн, үлэбэр сыстан барбытым. Бастаан утаа спор-
тивнай сиэксийэлэри, араас спортивнай күрэхтэһиилэри тэрийиигэ
үөрэнээччилэри көҕүлүүргэ, билсиһиннэриигэ саха тылын учуутала
Алексей Иванович Сивцев, нуучча тылын учуутала Иван Дмитриевич
Стрекаловскай сүбэлэрин-амаларын олус күндүтүк саныыбын.
Учуутал үлэтэ ииппит оҕолорун ситиһиилэринэн сьтаналанар
диэн, саамай сопке этэллэр. Мин Дүпсүн орто оскуолатыгар үлэлиир