Page 21 - Улуус спордун үйэтиппит учуутал, тренер. Иван Жирков

«Баһаалыста, Николай Николаевич оҕолоргун кытары кэпсэт, Эн
биһиги кэлин холкутук сэһэргэһиэхпит», - диэт, тахсан барда. Ити
көрсүһүүгэ баар саха оҕолоро Н.Н.Тарскай ханна баҕарар олус ула-
хан аптарытыаттааҕын, убаастанарын корон, улаханнык астыммып-
пыт, киэн тутта санаабыппыт.
Сахабыт сиригэр физкультура, спорт сайдыытын туругар киэҥ-
ник тохтоон элбэҕи кэпсээбитэ. Дойдубутугар спорт сайдыытыгар
анал үөрэхтээх кадр тиийбэтин тоһоҕолоон бэлиэтээбитэ. Онон дой-
дубут биһигини күүтэрин, биһиги киэҥ билиилээх-көрүүлээх, спорт
сүрүн көрүҥнэрин дэгиттэр баһылаабыт, үрдүк категориялаах ис-
писэлиистэр буолан тиийэрбитигэр баҕа санаатын эппитэ. Бүтэһи-
гэр соҕуруу куруортарга баран сынньанан кэлэрбитигэр диэн 4 пу-
тевканы түҥэппитэ. Олортон биир путевка, Пятигорскай куоракка
сынньанарга миэхэ тиксибитэ.
Иккис өйбөр иҥэн хаалбыт түгэним: Омскайга сайын ахсын, ас
бородууктатын, араас хаһаайыстыбаннай, дьиэҕэ туттар бытархай
табаардары ыбылы тиэммит баржа баарсалары сүөкээһин үлэтэ
ыытыллара. Мин иккис кууруһу бүтэрбит дьылбар, баарса сүөкүүр
биригээдэҕэ суруйтаран, үлэлэһэн турардаахпын. Үс күн иһинэн
баарсаны кураанахтаан, босхолуохтааххыт диэн буолла. Хонор сир
диэн суох, талах быыһыгар кылгас кэмҥэ нуктаан ылаҕын. Үлэбит
быыһыгар сынньалаҥмыт диэн бэрт кылгас, дьөрү уот оттон, чэй
да оргутунар бокуой көрүллүбэт. Өрүс сиикэй уутун иһэн, туох
астааххынан хорчоххойдуу хабыалаамахтаан ылаҕын уонна эмиэ
үлэҕэр умса түспүтүнэн бараҕын. Бастаан утаа штангист, тустуук,
боксер идэлээх нуучча доруобай уолаттара киэптээһин бөҕө, бирээмэ
иккилии куулу сүгэн таһаарааччылар эмиэ бааллара. Киэһэнэн били
киэптээбит доруобай уолаттарбыт эстэн, нэһиилэ хааман салбыҥ-
ныыр буолбуттара. Хата, биһиги хатыҥыр кыра хайыһардьыттар,
чэпчэки атлеттар уһунньут буолан, кинилэрдээҕэр быдан сэниэлээх
курдукпут. Иккис күммүтүгэр ол доруобай уолаттарбытыттан сорох-
торо, олох эстэн хаалан, тулуйбакка барыталаатылар. Үһүс күммүтү-
гэр, эбиэт саҕана быһа сыралаһан, күн аҥара саппаастаах баарсабы-
тын этэҥҥэ сүөкээн бүтэрдибит. Онон бириэмийэни ылар буолан,
үөрүүбүт үрдээтэ. Олус куйааһа, сыралҕана бэрт буолан, сылайыы,
эстии-быстыы баһаам. Чахчьт үчүгэй дьарыктаах, эппит-хааммыт
улахан эрчиллиини барбыт буолан, тулуйбуппут быһыылаах. Наар
сиикэй ууну иһэ сылдьыбыт буолан, бука бары нэдиэлэ устата испи-
тинэн ыалдьан сыттыбыт. Биир уолбут дизентерийэлээн балыыһаҕа