Page 356 - Улуус спордун үйэтиппит учуутал, тренер. Иван Жирков
P. 356
Улуус спордун үйэтиппит учуутал, тренер
А
тарыгар уонна табаарыстарыгар бэлэхтэтэлиирэ. Миэхэ 11 сааспын
туолар күммэр олус үчүгэй ыскамыайка оҥорон биэрбитэ.
Сайын Бороҕоҥҥо эһэбит Сэдэгэр арыытыттан ньургуһунна-
ры түөрэн олбуорбутугар аҕалан олордуспута. Бу манан оскуола-
бытыгар «Ньургуһун - хорсун сибэкки» диэн бырайыагы суруйан
көмүскээбиппит. Ньургуһуннарбыт 4-с сылын үүнэ тураллар. Эһэ-
бит биһиэхэ күннээҕи режиммитин оҥорбутунан дьарыктанарбыт,
сүүрэрбит, зарядкалыырбыт. Кини өссө спортивнай тэриллэри: бэрэ-
бинэ, шведскэй стенка уонна перекладина оҥорбута. Онно биһиги
тардынарбыт, бэрэбинэҕэ, шведскэй стенкаҕа эрчиллиилэри оҥорор-
бут. Эбиэттэн киэһэ бассейыҥҥа сөтүөлүүрбүт олус үчүгэй буолара!
Тэлгэһэбитигэр үүммүт хаптаҕаһы, дьордьуманы хомуйарбыт.
Биирдэ эһэбит биһиэхэ чыычаах сымыыттаах уйатын булан көрдөр-
бүтэ уонна ону тыыппаппыт, мээнэ уйгуурдубаппыт туһунан бы-
һааран биэрбитэ. Күөх луугу, уулаах отону хомуйарга айылҕаҕа ил-
дьэ сылдьан үөрэппитэ.
2018 сыллаахха эһэлээх эбэбит кыһыл көмүс сыбаайбаларын, ол
аата ыал буолан олорбуттара 50 сылын бэлиэтээбиттэрэ. Алтаана
биһиги кинилэри эҕэрдэлээн, хомуска оонньообуппутугар эһэбит
олус үөрбүтэ уонна астыммыта.
Эһэбит билигин суох. Кини оҥорбут оҥоһуктара, үөрэппит үөрэҕэ
инники олохпутугар туһалыы туруоҕа. Биһиги, сиэннэрэ, төрөөбүп-
пүтүгэр иккиэммитигэр анаан хоһоон суруйбут.
