Page 42 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Спорка сыһыаннаах, хайыһардьыт буолан, Ваня Жирков Омскай
куоракка физкультурнай институкка киирэн, тыыллан-хабыллан
тахсан, улахан спорка биллибитэ. Уҥуохтуун улаатан, көрүҥнэнэн
бу кэмҥэ республика чулуу хайыһардьыта буолбута. Элбэх тогул
республикаҕа чемпионнаабьтта. Үөрэҕин бүтэрэн, үлэтин Дүпсүн
орто оскуолатыгар саҕалаабыта. Ол саҕана аатырбыт олимпийскай
чемпионнар, кэргэннии Алевтина, Павел Колчиннар кэлэн ыалдьыт-
таабыттара, маастар-кылаастары биэрбиттэрэ, күрэхтэспиттэрэ,
өрөспүүбүлүкэҕэ улахан сэргэхсийиини, олохтоохторго дуоһуйуу-
ну аҕалбыттара. Бу сырыы мээнэ кэлии-барыы буолбатах, Иван
Михайлович улахан хайыһардьытын көрдөрөр. Дүпсүн оскуолатын
үөрэнээччилэрэ спорка улахан көрдөрүүлээх, ситиһиилээх этилэр.
Кэлин Иван Михайлович Мүрү аҕыс кылаастаах оскуолатыгар
үлэлии кэлбит кэмиттэн, өр сылларга бииргэ үлэлээн, оскуолаттан
ыла үчүгэйдик билэр буолан, үлэлээн бүтүөхпүтүгэр диэри бэйэ-
бэйэбитин өйөһөн-өйөнсөн кэлбиппит. Кини миигин «дурдам-хах-
хам» диирэ.
Бэйэтэ улахан спортсмен буолан, Омскай курдук куоракка спорт
эйгэтигэр улахан институкка уһуйуллубут буолан, хара бастакы
күнүттэн аҥаардас таҥнардыын-саптардыын оҕолору физкультура
уруогунан умсугутара. Физкультура уруога бастакы миэстэҕэ тура-
ра, уруогу көтүтүү, куотуу диэн суох буолара. Хас биирдии ГТО-ну
туттарыы спортивнай бырааһынньыкка кубулуйара. Сааланы киэр-
гэтии, кылаастар бары көхтөөхтүк биир киһи курдук формалаах
кытталлара күрэхтэһиини сытьтырҕатара. Ыытааччыбыт бэйэтин да
формата, чиҥ-чаҥ ыытар куолаһа бэрээдэккэ тардар, көҕүлүүр этэ.
Бу маннык тэрээһиннэргэ туора турар киһи суоҕа. Тэҥҥэ «ыалдьаач-
чы» оруолун толорор буолаҕын. Саас уруокка оҕо барыта хайыһар-
даах буолара, саала ойоҕоһугар кыра муннукка хайыһар толору буо­
лара. Маннык ирдэбилгэ хайа оҕо хайыһардаабат буолуой?
Профкомҥа спортивнай сектор быһыытынан былааннаах үлэни
ыытара. Педагогический кэлэктиип бары чилиэннэрэ, техүлэһит-
тэрэ оскуола таһыгар Иван Михайлович тэрийбит былаһааккатыгар
үөрэ-көтө ГТО-ну туттарарбыт. Саас эмиэ хайыһар үрдүгэр түһэр-
бит. Александра Петровна Азарова хайыһар тэбэрин оннугар трас-
саҕа хаамара, Александра Захаровна Андросова бастыҥ сүүрүүк этэ.
Наталия Гаврильевна Данилова сүүрэн иһэрэ олус үчүгэй буолара.
Ити курдук хас биирдии киһи көхтөөхтүк кыттара.
Иван Михайлович бэйэтин кабинетыгар үөрэтэр-иитэр үлэтинэн,