Page 43 - Улуус спордун үйэтиппит учуутал, тренер. Иван Жирков

хас биирдии үөрэнээччитигэр тиийэ карточка оҥорбутун (бэйэтэ
научнай үлэ, оҕо сайдам иһиитинэн кзтээн көрүү) хаста да оройуон
иһинэн физруктарга ыытыллыбыт сэминээрдэргэ кэпсээн, уруокта-
ры биэрэн уопутун атастаһан турар. Бу үлэтин оскуола салалтата,
дириэктэрдэр, завучтар үчүгэйдик билэр буоллахтара. Иван Михай­
лович оскуолаҕа буолар мунньахтарга бэйэтин санаатын өрүү үллэс-
тэрэ, туруорсара.
Иван Михайлович биэнсийэҕэ олорон улуус спордун историятын,
албан ааттаах спортсменнарын үйэтитиигэ утумнаахтык үлэлэспитэ,
элбэҕи айбыта-суруйбута. Кини өссө хоһоон суруйарын, алтыһар
дьонун туһунан хоһуйарын сэҥээрэрбит. Тарбаҕар талааннааҕа, уһа-
нара. Биһиги дьиэҕэ сиэммитигэр диэн кыра олоппоһу оҥорон бэ-
лэхтээн үөрдүбүттээх.
Оскуоланы бүтэрбиппит ыраатта да, быйылгы дьылга диэри көрсөн
кэлбиппит. Кэлиҥҥи сылларга биһигини Иван Михайлович сибээсти-
ирэ, түмэрэ. Тохсус кылааска 29 үөрэнээччи буоллахпытына, бүтэһик
көрсүһүүбүтүгэр сэттэ эрэ киһи хаалбыта. Бүтэһик көрсүһүүбүтүгэр
аҕыйах да буолларбыт, уруккуну ахтыһан кэпсэтэн-ипсэтэн, Тамара
Никифорова - Иванова ырыа бөҕөнү ыллаан турардаах. Мантан ыла
тохтоотохпут, Ванябыт төннүбэт сиригэр бардаҕа...
Билигин кырдьар сааспытыгар үктэнэн олорон биһиги өрүү өй-
дүүбүт - оскуолабытыгар үөрэ-көтө кэлэрбитин, куруук күндүтүк
саныыбыт эргиллибэт оҕо сааспытын, сырдык, ыраас санаабытын!
Биһиги кылаас киэн туттар уола Ваня Жирков үтүөкэннээх киһи,
эрэллээх доҕор, чулуу спортсмен, үгүс көлүөнэ таптыыр учуутала,
талааннаах тренер, иллээх-эйэлээх дьиэ кэргэн аҕа баһылыга буолан,
терөөбүт улууһун уонна Сахабыт сирин сайдыытыгар улахан кылааты
киллэрэн, дьоһун олоҕу олорон бар дьонугар умнуллубат суолу-ииһи
хаалларбыта мэлдьи истиҥ-иһирэх тылынан ахтылла туруоҕа.
Эһиил өрөспүүбүлүкэбит төрүттэмитэ 100 сылыгар Бороҕоҥҥо
Сахабыт сирин саамай улахан спортивнай түһүлгэтэ ыытыллыыты-
гар, элбэх сана объект тутуллуутугар бу Иван Михайлович курдук
спорду, чөл олоҕу өрө туппут аҕа көлүөнэ энтузиастарбыт сыралара,
көлөһүннэрэ, кинилэр үтүөлэрэ-өҥөлөрө, сырдык ыралара бигэ олук
буолбуттара саарбаҕа суох.
Марфа КУРИЛКИНЛ,
педагогический үлэ ветерана, сэрии тулаайаҕа,
РСФСР норуотун үөрэҕириитин туйгуна,
Хоро уонна Мүрү нэһилиэктэрин бочуоттаах олохтооҕо.