Page 15 - Тролукова.indd
P. 15
дьолум - кыргыттарым
Ощо - дьол дииллэрин мин билэн
Кэрэчээн куоларбар махтанан,
Тапталым иһирэх тылларын
Истиҥник долгуйа тиэрдэбин!
Кэнчээри ыччаттаах буоламмын
Тулабар сырдык күүс сыыйыллар,
Кэрэ кэм симэхтии сиэттиһэр,
Үтүө күн кустуктуу кутуллар.
Кыргыттар ийэщэ чугастар -
Кэрэлэр, нарыннар-намчылар,
Симэхпин ситэрэн биэрэллэр,
Истиҥник мичээрдээн кууһаллар.
Иннибэр-кэннибэр түһэннэр
Кыаллыбат диэн тугун билбэппит,
Барытын биир тэҥҥэ ылсаммыт
Үлэбит түмүгүн күүтэбит.
Кыһалща кэлбитин үтэйэн,
Уоскуйан наскыйан ылабыт.
Үөрүүнү-көтүүнү үллэстэн
Сибэкки ыһыащын ыһабыт!
Күн тэҥэ сиэннэрим улаатан
Силиспит дириҥиэ, чэлгийиэ,
Олохпут оһуора-мандара
Эгэлгэ эриэккэс өҥнөнүө.
25.02.24
13
