Page 59 - Сахаайа Ермолаева Тымтык күн

* * *
Автобуһунан айаннаан иһэбит. Тохтобулга кырдьаҕас
'мээхсин оскуола саастаах сиэниниин нэһиилэ орҕостон
киирэллэр. Сиэнэ иллэҥ миэстэҕэ олоро охсор. Эмээхсин
улахан суумкатын туппутунан аттыгар суҥхаллан тураах-
тыыр. Сөхпүт оҕонньор кыыска көбдьүөрэр:
— Миэстэҕин эбэҕэр биэриэххин!
— Аргыый! Эбэм күнү быһа дьиэтигэр хааллан олорор-
тон салҕан хаалбыт.
* * *
Аҕата кыыһын килиэбигэр сибинньэ сыатыттан элийэ
быһан уурар.
Кыыс хаһыытыы түһэр:
— Ийээ, кэлэ оҕус! Аҕам күтүр туоратык быһыыланна!
— Сибинньэ сыатыттан бачча айылаах тоҕо
долгуйдуҥ?
— Сыаны сиэтэхпинэ, уойан, соноон хаалыам. Оччоҕо
хайа уол чугаһыаҕай?!
* * *
— Елена, эбэҥ ыарытыйар буолбут. Бараҥҥын дьиэлэ-
рин ис-тас үлэлэригэр көмөлөһүөҥ этэ, — диир ийэтэ.
— Харчы биэриэхтэрэ дуо?

* * *
Оччугуй оҕо ыйытар:
— Ийээ, эн абаҕабын саҥаһым моонньугар олорор
диэбитиҥ. Сыыһа саҥараҕын, кини наар олоппоско оло­
рор буолбаат!
— Сөпкө этэҕин: эн эмиэ, аҕаҥ түһэҕэр буолбакка,
олоппоско олоро үөрэҥ.
* * *
Кинотеатрга икки кыра уолаттар оҕо киинэтин көрө
кэллилэр, 50 солкуобайы ууналлар.
Кассир саҥа аллайар:
— Бу биир эрэ киһиэхэ тиийэр.
— Оттон эн биһиэхэ бэйэҥ харчыгыттан көмөлөс ээ.
— Ким итинник үөрэтэрий?
— Учууталбыт меценат туһунан уруокка кэпсээбитэ.

57