Page 75 - Сахаайа Ермолаева Тымтык күн

ПОЭЗИЯ ХОРСУН КУОТА
(1980-2012)

Поэтесса Сахаайа Ермолаеваны үчүгэйдик билэ-
бин. Киһи да быһыытынан, хоһоонньут да өттүнэн.
Кини ийэтэ Светлана — республика биир көстүүлээх
общественнай-государственнай деятелин, биллиилээх
поэт, публицист Сергей Васильев-Борогонскай кыыһа,
отгон мин кэргэним Серафима — Сергей Степанович
бииргэ төрөөбүт балтын Мария Степановна кыыһа. Са­
хаайа аҕата Рафаэль уонна мин — хаан-уруу биллэх-
тиилэрбит. Ону сэргэ мин бииргэ төрөөбүт быраатым
Афанасий Петрович Илларионов (поэт, тылбаасчыт,
Ил Түмэн урукку спикерэ) итиэннэ Баҕатаайыскай
доҕордуулар этэ.
Сахаайа төрөппүттэриниин биһиги хардары-таары
ыалдьыттаһарбыт, көмөлөсүһэрбит.
Кини, төрөппүттэрин курдук, үрдүк культуралааҕа;
киэҥ билиилээҕэ, мындыр көрүүлээҕэ, хайа баҕарар
киһиэхэ эйэҕэс сыһыаннааҕа уонна олус сэмэй этэ.
Мин хас да хоһоон хомуурунньуктаахпын, СР Су-
руйааччыларын сойууһун чилиэнэбин; быраатым Афа­
насий Илларионов эмиэ биллиилээх поэт этэ. Онон
үһүөн, бэйэ-бэйэбитин дьиҥнээхтик ытыктаһар, би-
гэтик өйөһөр, тэҥник санаһар этибит.
Бүгүн мин, сүрүннээн, Сахаайа 2014 сылга бэ-
чээттэммит «Тыыннаах ырыа» диэн иккис хомуу-
рунньугун туһунан санаабын этиэм. Маҥнайгы хо-
муурунньуга «Күөрэгэйим ыллаата» 2011 сыллаахха
тахсыбыта. Ол туһунан хайҕаан, туркутуулааҕын
итиэннэ иэйиилээҕин биһирээн, филологическай
наука кандидата, мындыр литературовед Николай
Копырин, философскай наука доктора, академик,
поэт Ксенофонт Уткин-Нүһүргэн, филология наука-
тын кандидата, саха тылын биир үрдүк таһымнаах
73