Page 79 - Сахаайа Ермолаева Тымтык күн

көрөр, атына — ыйдаҥалыы сырдыыр; өрөгөйдөөх
санаа — мохсоҕол уйалаах мыраан; санаарҕааһын —
санньыар былыт, үөрүү — үрүҥ үрүмэччи; долгуйуу
— тыалырбыт долгун; үрүйэ — ойуолас кулунчук;
ыгыллыы — хапчааҥҥа хаайтарбыт сүүрүк, көҥүл —
көмүөллүүр өрүс, о.д.а.
Кини поэзиятын сүрүн үһүс уратыта — истиҥ
иэйиилээхтэр: арыт ыллаан барыах курдуккун, арыт
— ытамньыйан ылаҕын:
1. Айылҕа, олох да кэрэтэ —
Уоллаах кыыс тапталын кэриэтэ.
Бу ини — истиҥник өйдөһүү,
Курдары өйөһүү бэлиэтэ.

2. Ийэкээм! Ыалдьарбын эн түүйэ көрөҥҥүн,
Түлэй түүн сыттыгын’ чуумпутук илийэр.
Оттон ол сарсыарда суһуоххун өрөҥҥүн,
Ууламмыт хараҕыҥ атыннык мичийэр.
* * *
Сахаайа олоҕун кэнники уон сылыгар аҕатыныын
(Рафаэль Баҕатаайыскайдыын) кыттыһан суруйар
буолбуттарын мин үчүгэйдик билэбин.
Онтуктара «өлгөм үүнүүнү» биэрдэ. Ордукдетектив-
айымньыларга. Кини детективтэри оҕо сааһыттан
үлүһүйэн ааҕара: «сюжеттара сытыылар, өйү имитэл-
лэр» диэн хайгыыра.
Аҕата Рафаэль Дмитриевич, 70 сааһын туол-
бут киһи, детективы суруйарга көһүүн этэ. Онно
мүччүргэннээх сытыы түгэннэри, түргэнник өйдүү
охсор эдэр геройдарын, ньымса ньымалары... Сахаайа
толкуйдаан таһаартыыра... Ол түмүгэр уонча бэртээ-
хэй детектив-айымньылары (драмалары, сэһэннэри,
романнары) суруйдулар. Олору ааҕааччылар чахчы
биһирээн көрүстүлэр.
Тус бэйэм санаабын аһаҕастык эттэхпинэ, ааптар-
дар ити айымньыларынан саха кэлиҥҥи литература-
тын саҥа, үрдүк таһымҥа таһаардылар.
Саха аатырбыт экономист-учуонайа, дьиҥнээх ула-
хан академик Попов Анатолий Афанасьевич «Тыын-
наах ырыа» аан тылыгар Сахаайаны саамай сопке

77