Page 228 - Уус-Алдан 2006

Миниистирдэрин Сэбиэтин президиумун чилиэнинэн, ССКП обкомун
уонна бюротун чилиэнинэн талылла сылдьыбыта.
... Хара дьайдаах 90-с сыллар саналара. Улуу государствоны суулла-
рыы, норуоту таннарыы, империализм урусхаллыыр политикатыгар баҕа
өттүнэн бэринэн туран биэрии. Бу кэмнэ олоҕу дириҥник көрөр, ыры-
тар, ырааҕы, кэскиллээҕи анаарар, кырдьыгы этэр, суруйар журналистар
наадалара суох буолбута. Олору эккирэтэр, сойуолуур, ону ааһан өлөртүүр
түбэлтэлэрэ тахсыталыыра. Бүгүн да ол салҕанан барар. Син ол кэриэтэ
Д.И. Пуховы — республика биллиилээх журналиһын, опыттаах салайаач-
чыны политическай матыыбына биир күн икки төгүл үлэтиттэн устубут-
тара. Бу туһунан Д.И. Пухов кэлин тахсыбыт кинигэтигэр дьин- баары-
нан, ыраас мууска ууран суруйар. Маны корон ааҕааччылар бэйэлэрэ
итэҕэйиэхтэрэ. Диктатура режимин сиэртибэтинэн кини эрэ буолбатаҕа.
Биһиги норуоппут баар-суох тумус туттар элбэх дьоно онно хаарыйтар-
быттара. Ол дьон оҕустарыылаах олохторун, дьылҕаларын туһунан эмиэ
бу кинигэҕэ уонна ааптар атын да суруйууларыгар ааҕыаххыт.
Журналист "Коммунист хаһыат суруйарынан" диэн олус күүстээх ки-
нигэтэ таҕыста. Кинигэҕэ киирбит 70-ча ыстатыйа, бэлиэтээһиннэр,
очеркалар хас биирдиилэрэ дьиннээх публицистика, талаан туоһута, эдэр
журналистарга дьоһуннаах оскуола буолаллар.
Талаан суруйар тыл дэгэтигэр, өнөр-дьүһүнүгэр эрэ буолбатах, кини
туттуллар күүһүгэр, ыйааһыныгар, журналист имитэр-хомутар дьоҕуругар
сытар.
Мин туе бэйэм сүгүрүйэр, эдэр эрдэхпиттэн журналистикаҕа холобур,
эталон оностор аҕа табаарыһым Д.И. Пухов бу кинигэтигэр реформа-
лааһын сыллара норуот туһугар улахан ыарыылаахтык барбыттарын доку-
муоннарга, сыыппараларга олоҕуран дирин ник ырытан суруйар. Журна­
лист талаанын биир өттө — кини кимтэн да куттаммакка, уҥа-хаҥас
нөҥүөһүлээн түспэккэ кыларыйан турар кырдьыгы суруйарыгар. Маны
ылбычча киһи кыайбат. Бу — өй күүһэ, туспа уонна хатыламмат стиль.
Икки үйэ кирбиитигэр үктэммит сааһыран эрэр журналистар ким туга-
ханныга биллэр уустук олоҕу олордулар. Сорохтор суруйуулара, эппиттэрэ-
тыыммыттара уруккуга уонна билиҥҥигэ арахсар, идея, идеология өттүнэн
утарыта турар, бэйэ-бэйэтин сотуһар. Оттон Д.И. Пухов позицията кыра-
тык да халбан наабат, мэлдьитин көнө, чиэһинэй, бигэ принциптээх.
Ол өйдөбүлүттэн, итэҕэлиттэн аккаастаммакка Дмитрий Ильич били-
гин "Коммунист" хаһыат редактора, РФ компартиятын Саха сиринээҕи
рескомун бюротугар чилиэн. 30-тан быдан тахса кинигэ автора.
Е.М. Ярославскай аатынан журналистар республикатааҕы бириэмийэлэ-
рин лауреата, "ССРС телевидениетин уонна радиотын туйгуна", Саха
АССР культуратын үтүөлээх үлэһитэ, хас да орден, мэтээл кавалера,
Үөһээ Дьаан ы уонна Уус-Алдан оройуоннарын бочуоггаах гражданина.
Д.И. Пухов бу күннэргэ 75 сааһын туолла. Кинини бу бэлиэ күнүнэн
"Кыым" хаһыат аатыттан эдэрдэлиибит. Кытаанах доруобуйаны, айым-
ньылаах үлэни баҕарабыт.
Егор СИБИРЯКОВ,
"Кыым" хаһыат, 2006 сыл а.пынньы 26 күнэ
13* 195