Page 166 - Дүпсүн сирэ

Ушницкай Николай Дмитриевич
Холкуос бастыҥ болуотунньуга, маастара. Илиинэн бастыҥ от охсооччу.
Кун аайы 1,5 га сири, сорох куннэргэ 2-лии га сири охсоро. 1934 сылтан
холкуос ударнига. Остуойка бөһүөлэгин бастакы тутууларын маастардаан тут-
тарбыта. 1941 сыллаахха сэриигэ ыҥырыллан барбыта. 1942 сыллаахха сэрии
хонуутугар өлбүтэ.
Новгородов Семен Андреевич-Додохо Сэмэнэ
1925 сыллаахха «Бүөччэ» ТСОЗ табаарыстыба чилиэнэ, «Бүөччэ» артыал
ударнига, кэлин «Үүнүү» холкуос чилиэнэ. Сэрии сылларыгар 2—3 киһи
үлэтин толорбут кыайыьшаах-хотуулаах үлэһит. Кыһын 5—6 оҕуһунан от тиэ-
йэн ферма сүөһүтүн аһатара, хаста да кырынара. Кинини «Үүнүү» холкуос
трактора диэн ааттыыллара.
Жирков Николай Петрович-Хонньороох

1911 сыллаахха төрөөбүт. 1933 сыллаахха «Үүнүү» холкуоска чилиэнинэн
киирбит. 1933—1936 сс «Үүнүү» холкуоска биригэдьииринэн, 1936—38 сс. ыч-
чат биригээдэтин тэрийэн үлэлээбит. 1941 сыл атырдьах ыйыгар аармыйаҕа
ыҥырыллан барбыт, Ленинградскай фроҥҥа сэриилэспит. Сэриигэ бааһыран
дойдутугар эргиллэн кэлэн, 1943—1944 сс. холкуоска бэрэссэдээтэллээби-
тэ. 1944—1947 сс. I Өспөх нэһилиэгэр нэһилиэк сэбиэтин председателинэн
үлэлээбит. 1947 сылтан 1967 сылга диэри холкуоһугар араас үлэҕэ үтүө суобас-
таахтык үлэлээбитэ. Дьоҥҥо-сэргэҕэ убаастатар, ыллыктаах тыллаах-өстөөх
үлэһит бэрдэ киһи этэ.
Стрекаловская Ульяна Никитична
(1899-1989)
1931 сылтан «Үүнүү» холкуос чилиэнэ. Эдэр сааһыттан холкуоска, хонуу
үлэтигэр үлэлээбит. Сэрии, сут-кураан сылыгар кэргэнэ Д.А. Стрекаловскай-
дыын Намҥа ыанньыксытынан көһөн, сүөһү корон кыстаабыттар. Кэлин хол­
куос интернатыгар остуораһынан үлэлээбитэ.

Бочкарев Андрей Андреевич-Куобах
«Үүнүү» холкуос хоһуун үлэһитэ. Сайын ахсын көлөнөн от оҕустарара. Коло
массыынатынан сиэмэ быстарара. Өрүү нуорматын 150 % итэҕэһэ суохтолоро-
ро. Сэрии кэминээҕи комсомолец. Сүрдээх ырыаһыт буолан кинитэ суох биир
да концерт буолбат этэ. Эдэр сааһыгар ыарахан ыарыыттан өлбүтэ.

Молокотина Мария Прокопьевна
1910 сыллаахха Ньырачыма үрэххэ төрөөбүт. 1938 сыллаахха «Үүнүү» хол­
куоска киирэн Остуойкаҕа олохсуйбут. 1941 сыллаахха сэрии саҕаланыытыгар,
Бөрөлөөх сайылыкка үлэлии сылдьар кэмигэр Остуойка сэриигэ барар дьо-
но 30-ча киһи Бөрөлөөххө мустан Оҕуруокка (Бороҕон) барбыттар. Сэрии кэ-
162