Page 167 - Дүпсүн сирэ

мигэр 12—15 ынаҕы ньирэйдэри көрөн наар ыанньыксыттаабыт. Сайынын
ыам быыһыгар Афанасьевтар өтөхтөрүн Тиэрбэс диэн бааһынатыгар от от-
тууллар эбит. 1960 сыллаахха диэри сүөһүгэ, 1960—79 сс. Остуойка детсадыгар
үлэлээбит.
Стручков Яков Яковлевич-Дьалаан уола

1917 сыллаахха Остуойкаҕа Илин Бас диэн алааска дьаданы ыалга төрөө-
бүтэ. 1941—42 сылларга «Үүнүү» холкуоска «Рыбтрест» иһинэн тэриллибит ба-
лыгы тутар пуун на приемщигынан үлэлээн, Остуойка олохтоохторо сут дьыл-
ларга хоргуйан өлбөтөхтөрө. 1943 сыллаахха армияҕа ынырыллыбыта. Бу баран
200-кэ киһини Монтолияҕа Тамсак-Булак диэн байыаннай куоракка үөрэххэ
ыыппыттара. 200-кэ саллааттан 20-чэтэ саха этэ. Дүпсүнтэн Прибылых Петр
Тимофеевичтыын (Быыкаа) иккиэ буолан сылдьыбыттара. Монголия^ тии-
йэн, бастаан наар байыаннай үөрэххэ үөрэммиттэр, онтон сэрии бүтүөр диэ­
ри Монголияҕа шахтаҕа чох хостооһунугар сылдьыбыттара. Сэрии кэнниттэн
атынан ыраах айаҥҥа таһаҕас таһыытыгар сылдьыбыта. Ааллаах Үүн, Моой
Үрэх диэн сирдэргэ, Дьокуускай куоракка араас таһаҕаһы, аһы-үөлү атынан
таһаннар үлэлээбиттэрэ. 1945 с. дойдутугар эргиллэн кэлэн, бастаан «Үүнүү»
холкуоска ферма сүөһүтүгэр оҕуһунан уу таһара, онтон кэлин «Дүпсүн» сов-
хозка «Бөрөлөөх» фермаҕа бостуугунан күүһүн харыстаабакка үлэлээбитэ. Хас-
та даҕаны «Чемпион-бостуук» аатын ылбыта. Ферманан оройуон үрдүнэн бас-
таабыттара.
1941 — 1945 сылларга үлэ фронугар үчүгэй үлэтин иһин «1941 — 1945 сс.
Аҕа дойду Улуу сэриитигэр килбиэннээх үлэтин иһин» мэтээлинэн, икки
төгүл «Коммунистическай үлэ ударнита», «Социалистическай куоталаһыы
кыайыылааҕа» знактарынан, Кыайыы 30, 40 сылларын бэлиэтиир үбүлүөйдээх
мэтээллэринэн наҕараадаламмыта.

Бочкарева Евдокия Андреевна
«Үүнүү» холкуоска тэриллиэҕиттэн, кыра эрдэҕиттэн араас үлэлэртэ
үлэлээбит. Холкуос бастакы ыанньыксыттарыттан биирдэстэрэ. Остуойкаҕа
нууччалыы тииптээх икки улахан хотон үлэҕэ киирбитэ. Евдокия Андреевна бу
хотоҥҥо үлэни кыайбат буолан, ыалдьыар диэри үлэлээбитэ. Бу хотону ыан-
ньыксыттар сотору-сотору сууйаллар, испиэскэлииллэр эбит. Хотон төрүүр
ынах, ньирэй турар тус-туспа миэстэлэрдээх. Ыам быыһыгар күһүн алаастары
кэрийэ сылдьан ходуу ходуйсара, сороҕор хоно сылдьаллара.

Жиркова Варвара Ивановна
Дьадан ы кэргэнҥэтөрөөбүтэ. Оскуолаҕа үөрэммэтэҕэ. Адьас кыра эрдэҕиттэн
«Үүнүү» холкуос хонуутун үлэтигэр улахан дьону кытта тэҥҥэ үлэлээбитэ.
Сэрии иннинэ, сэрии кэмигэр «Үүнүү» холкуос үрэҕинэн, алааһынан наар
субай сүөһүнү көрүүгэ сылдьыбыта. Сэрии кэнниттэн биир күн сынньанан
көрбөккө, 30-ча сыл устата «Үүнүү», бөдөҥсүйбүт «Октябрь» холкуостарга
ыанньыксыттаабыта. Сытыары-сымнаҕас майгылаах, хоһуун үлэһит этэ.
163