Page 214 - Дүпсүн сирэ

суолталаах кылааннаах түүлээҕи бултуур, балыкка сылдьар бэрт аҕыйах киһини
бронялаан хаалларбыттара. «Сонун олох» ыанньыксыттара Федорова Екатери­
на Герасимовна, Федорова Наталья Павловна, «Ленин» холкуостан Готовцева
Аграфена Никитична биир ынахтан 1000 литр үүтү ыан оройуоҥҥа биллибит-
тэрэ. «Карл Маркс» холкуос чулуу үлэһит дьахтара Сивцева Мария Григорьев­
на 1943 сыллаахха 672 үлэ күнүн аахсыбыта, ыанньыксыт Сивцева Анна Ива­
новна бастакынан үрдүк үүтү ыаһыҥн а киирсибитэ. Косилканан 170,9 га сири
оҕустарбыт «Маркс» холкуос үлэһиттэрэ Сивцев Алексей Иванович 11, Сивцев
Кузьма Платонович «Бочуот дуоскатыгар» тахсыбыттара. «Энгельс» холкуос ба-
лыксыттарын биригээдэтэ (биригэдьиир Босиков А.И.) былааннарын 159% то-
лорон республика «Бочуотун дуоскатыгар» тахсыбыттара. Холкуостаах Гоголев
Михаил Петрович тутууга, тыа хаһаайыстыбатыгар ситиһиилээх үлэтин иһин,
булчут Ушницкай Петр Иванович Саха АССР Верховнай Советын Бочуотунай
грамотатынан наҕараадаламмыттара. «Үүнүү» холкуос стахановеһа Афанасьев
Иван Яковлевич кыһыннары-сайыннары таһаҕас таһааччынан үлэлээбитэ.
Новгородов Семен Андреевич 5—6 оҕуһунан хас эмэ ферманы отунан хааччы-
йан икки-үс киһи үлэтин үлэлээбитэ. Жирков Михаил Николаевич «Үүнүү»
холкуос үлэһитэ килбиэннээх үлэтин иһин Верховнай Совет Бочуотунай гра­
мотатынан наҕараадаламмыта. Нэһилиэк тэрилтэлэрэ сэрии ыар сылларыгар
ыһыллыбакка үлэлии-хамсыы олорбуттара. Байыаннай кэм ирдэбилэ кытаанах
этэ. Аска карточнай система олохтоммута. Бу карточканан күҥҥэ хара бурдугу
улахан дьоҥҥо 400—500 гр, оҕолорго 250—350 гр, оннооҕор испиискэни 3—4
хоруопканы эрэ биэрэллэрэ.
Дүпсүн оскуолата сэрии сылларыгар холкуостар көмөлөрүнэн ыраахтан
сылдьар, кыаммат оҕолорго холкуоһунай интернат астаран, учууталлар уон-
на оҕолор оттук мастарын, иһэр ууларын бэйэлэрэ хааччынан, үөрэх тиһигин
быспатаҕа. Оскуола директорынан сэрии сылларыгар үлэлээбиттэрэ — Аржа-
ков Степан Терентьевич, Дьяконов Степан Константинович, Васильев Дми­
трий Егорович.
Дүпсүн сельпотын сэрии 5 сылларыгар Анна Павловна Ильина салайан
6 нэһилиэги, 23 холкуоһу, тэрилтэлэри хабан аһынан-таҥаһынан хааччыйан
олорбута. Анна Павловна үлэтэ саха кооператор дьахталларыттан бастакынан
«Килбиэннээх үлэтин иһин» мэтээлинэн бэлиэтэммитэ. Сибээс тэрилтэтин
Дүпсүннээҕи почтатын ССРС сибээһин туйгуна Сидорова Евдокия Ивановна
салайан олорбута. Бурцев Афанасий сэбиэдиссэйдээх балыыһа коллективыт-
тан медсестра Никифорова Елизавета Алексеевна, оһох оттооччу Гоголев Егор
Тимофеевич «1941 — 1945 сс. Аҕа дойду Улуу сэриитигэр килбиэннээх үлэтин
иһин» мэтээлинэн наҕараадаламмыттара.
Аҕа дойду сэриитин ыар сылларыгар дьону түмэн, дьону кытта куруук аалсан,
өйөөн, үлэ ыараханын тэҥҥэ үллэстибит, сэриигэ өлбүт буойуттар дьонноругар,
тулаайахтарыгар өйөбүл-тирэх буолбут, уһулуччу ыарахан кэмҥэ нэһилиэги,
холкуостары салайбыт дьон ааттарын ахтан ааһыаххайыҥ. 1943—1946 сс.
сельскэй совет исполкомун председателэ Прибылых Илья Петрович, холкуос­
тар председателлэрэ: «Үүнүү» холкуостан Стрекаловскай Иннокентий Ивано­
вич, Жирков Николай Петрович, «Энгельс» холкуостан Рожин Николай Ро-
210