Page 374 - Дүпсүн сирэ

Мин билэр киһим
Николай Петрович Алексеев «Октябрь» холкуос председателинэн үлэлээбитэ.
Мантан аллараа саха народнай поэта Савва Тарасов Алексеев Н.П. туһунан су-
руйуутуттан быһа тардан бэчээттиибит: «...Түөрт уонтан тахса сыллаах хаһан
да баранан биэрбэт үлэ сүрүн-сүрүн түһүмэхтэрин аҕыннахха, төрөөбүт Гор-
найыгар тыа хаһаайыстыбатын инспекциятын кылаабынай зоотехнига, Намҥа,
Среднеленскэй производственнай управление старшай экономиһа, плановай-
экономическай отдел начальнига, Уус Алдаҥҥа управление кылаабынай
зоотехнига; «Октябрь» холкуос председателэ, Өймөкөөн оройуонун тыатын
хаһаайыстыбатын управлениетын начальнига, Тыа хаһаайыстыбатын минис-
терствотын отделын начальнига, партия уобаластааҕы комитетын үлэһитэ;
партия Горнайдааҕы райкомун бастакы секретара...
Кини ханна да үлэлээбитин иһин биир тосхолу тутуһара: үлэҕэ чиэһинэйдик
сыһыаннаһыыны, эппиэтинэстээх буолууну, үлэ, уопсай дьыала иһин, бэйэ-
ни да улаханнык көрүммэккэ, сылайары-элэйэри аахсыбакка сүктэриллибит
эбээһинэһи толоруу.
Кини олоҕун ити принцибин «Октябрь» холкуоска председателлиир сылла-
рыгар ордук үчүгэйдик, итэҕэтиилээхтик бигэргэппитэ дии саныыбын. Сала-
йар үлэҕэ уопута суох эдэр киһиэхэ оннун булбакка, олорор хаһаайыстыбаны
салайыы манан дьыала буолбатаҕа....Кини аан бастакыттан дохуот киллэрэр
салаалары бөҕөргөтүүгэ, специалистар үлэлэрин тупсарыыга, орто салайар
кадрдары, биригэдьиирдэри таба талан сүүмэрдээһиҥҥэ, сүөһү аһылыгын эл-
бэтиигэ сорук туруоруммута. Дьонҥо тылларын-өстөрүн ылыннарар ыллык-
таах санаалаах кырдьаҕастары бэйэтин тула түмпүтэ. Кини салайбыт сылла-
рыгар холкуос өрүттэн, бастыҥнар кэккэлэригэр киирбитэ, кэлин миллионер
буолбута. Николай Петрович ити холкуоһу салайбыт сылларын, буһуу-хатыы
оскуолатын барбыт сылларынан ааҕыан ааҕар.
Биһиэхэ, сахаларга, «билэр киһим» диэн өйдөбүл баар. Ол аата, билэр, эрэ-
нэр киһим, кини туһугар моонньоох да баспын былаахыга ууран биэриэхпин
сөп диэн буолар. Мин бииргэ үөскээбит, үөрэммит үгүс доҕотторбуттан оннук
киһинэн Николай Петрович Алексеев буолар».
Савва Тарасов,
саха народнай поэта

Биһиги директорбыт
Дүпсүн оскуолатын «Горизонт» эдэр туристарын кулууба 1977—1978 сс.
үлэтин отчуоттаан альбом-рапорт оҥоруохтаах. Бэйэбит «Дүпсүн» совхоз-
пут үлэһит дьонун, үлэтин-хамнаһын үөрэтиэхтээхпит, суруйуохтаахпыт. Бу
үлэбитин совхоз директора Готовцев Василий Александровиһы көрсөн кэп-
сэтииттэн саҕалыыбыт. Совхоз хонтуоратыгар уһун көрүдүөр муннугар турар
директор хоһун аанын тоҥсуйан киирэбит. Василий Александрович ханна эрэ
бараары танна турар эбит. Биһиги долгуйа-долгуйа кэлбит наадабытын этэ-
бит. Директорбыт танаһын төттөрү устан баран биһигини остуол тула олорто.
338