Page 375 - Дүпсүн сирэ

Кимиэхэ эрэ телефонунан: «Оскуола оҕолоро кэллилэр, 4 саҕана барыахпыт.
Чэриктэйгэ эрий», — диэтэ. Биһигини олус улахан наадалаах дьон курдук
көрсүбүтүттэн өссө долгуйдубут. Эрдэ бэлэмнээбит боппуруостарбытын тут-
таран кэбистибит. Василий Александрович биһигиннээҕэр долгуйбут курдук
буолла, чочумча олоро түһэн баран бу курдук кэпсээтэ: «Мин 1932 сыллаахха
Байаҕантай нэһилиэгэр төрөөбүтүм. Дьонум холкуос ферматыгар, хонуутугар
үлэлииллэрэ. Бастаан Танда, онтон Мүрү орто оскуолатыгар салгыы үөрэнэн
7 кылааһы бүтэрбитим. Онтон Дьокуускайдааҕы тыа хаһаайыстыбатын техни-
кумугар үөрэнэн 1952 сыллаахха бүтэрбитим, младшай агроном идэтин ылбы-
тым. Үлэбин Дүпсүнтэн саҕалаабытым. «Карл Маркс» холкуоска агрономунан
үлэлээбитим. Оччолорго холкуос директора Мохначевскай Василий Никола­
евич этэ. Кыахтаах, киэҥ далааһыннаах үлэлээх, дьон убаастыыр киһилэрэ
этэ. Сир үлэтин Найахыга кииннээх Дүпсүн МТС салайара. Агрономнуу-
рум таһынан холкуоспар комсомольскай тэрилтэ секретарынан, комсомол
оройуоннааҕы, уобаластааҕы комитетын чилиэнинэн талыллан үлэлээбитим.
Онон Дүпсүн үлэһит быһыытынан акылаатым ууруллубут сирэ. Бу үлэлии сы-
рыттахпына, Москваҕа Тимирязев аатынан тыа хаһаайыстыбатын академияты-
гар үөрэнэ барарга этии киллэрэллэр. Мин сөбүлэһэн үөрэнэ барабын уонна
1960 сыллаахха академияны бүтэрэн, 1975 сылга диэри Өлүөхүмэ оройуонугар
кылаабынай агрономунан, онтон Уус Алдаҥҥа тыа хаһаайыстыбатын отделын
сэбиэдиссэйинэн, «Герой Егоров» холкуос солбуйар председателинэн, Зареч-
най производственнай управление, «Победа» холкуос, «Лена» совхоз кылаабы­
най агрономнарынан, тыа хаһаайыстыбатын управлениятын начальнигынан
үлэлээбитим. 1975 сыллаахха үлэбин саҕалаабыт сирбэр «Дүпсүн» совхозка
директорынан ананан үлэлии сылдьабын. Биһиги оройуоҥҥа, республикаҕа
үлэбитинэн биллэр бөдөҥ совхозпут. Билигин совхоз 6714 сүөһүлээх, ол
иһигэр 3630 ыанар ынахтаах, 2915 сылгылаах, ол иһигэр 1224 биэлээх. Сов­
хоз иһигэр үүтү ыаһыҥҥа аан бастакынан 3000-лаах кирбиини ылбыттар баар
буоллулар, государствоҕа туттарыллар сүөһү орто ыйааһына 293 кг тэҥнэстэ.
Кыһыл Сулус уонна «Бочуот Знага» уордьан кавалера, сэрии уонна үлэ ветера­
на, коммунист, ыччат наставнига Гоголев Р.П. салайбыт ыччат-комсомольскай
звенота сайыҥҥы ыйдарга 1 1 0 0 тонна үрдүк хаачыстыбалаах оту күрүөлээбитэ.
Совхозка элбэх эдэр ыччат таһаарыылаахтык үлэлиир: Саха АССР Верхов-
най Советын депутата, сварщик Горохова Н.В., чулуу механизатор Молоко-
тин В.Н., суоппардар Олесов В.А., Алексеев И.И., Яковлев В.П., Сивцев А.А.
уо.д.а. Фермаҕа сылын аайы оскуоланы бүтэрбит оҕолор үлэлии тахсыыла-
ра 60-с сыллартан үтүө үгэскэ кубулуйда. Уонна сайын аайы совхоз араас
үлэтигэр оскуола оҕолорун көмөтө баһаам — от звеноларыгар, фермаларга.
Эһиги улаатан, үлэһит буолан кэлэн, биһигиттэн эстафета курдук совхозкут
үлэтин илиигитигэр ылан салгыы сайыннарыаххыт. Оттон билигин биһиги аа-
спыт өттүнээҕи ситиһиилэрбитин өссө чиҥэтэн, сана ис кыахпытын туһаҕа
таһааран, охсуулаахтык үлэлиир соруктаахпыт».
Салгыы Василий Александрович ким оҕолоро буоларбытын, үөрэхпитин,
оскуола сонунун ыйытта, үлэһит дьону кытта кэпсэтиҥдиэн сүбэлээтэ, «Мала-
339