Page 593 - Дүпсүн сирэ

В.В.Никифоров төрөөбүтэ 140 сылыгар «Мүрү саһарҕата» хаһыат 2006 сыл-
лааҕы нүөмэрдэригэр элбэх ыстатыйалара, ол иһигэр «Оҕо саас» автобио-
графическай очерката, «Каракозовецтар сыылкаҕа уонна кинилэр сахаларга
сабыдыаллара», «Сахалар улуу доҕордоро А.А.Сипович кэриэһигэр», о.д.а. жур­
налист Иннокентий Сыроватскай сахалыы тылбааһынан бэчээттэммиттэрэ.

Роман Петрович Алексеев, олоҥхоһут
(1 9 0 0 -1 9 7 8 )
Норуот ырыаһыта, олоҥхоһута, холкуоһу тутуу ветерана, нэһилиэк иһигэр
холлооҕун булбатах хорсун үлэһит, Уус Алдан оройуонун маҥнайгы стаха-
новецтарыттан биирдэстэрэ. Роман Петрович эдэр эрдэҕиттэн утумнаахтык
олоҥхолуур, ыллыыр, чабырҕахтыыр идэлэммитэ.
Күннээн олоҥхолуу сылдьар кэмигэр уонтан тахсалыы олоҥхону, олор ис-
тэригэр: «Халыан хара аттаах Хардааччы Бөҕөнү», үс үйэлээх «Алаатыыр Ала
Туйгуну», «Хаан Дьаргыстайы», «Хайҕамсах Хара Хааны», «Хабыр эмээхсини»,
«Дьураа бөҕөнү», «Сарахана Күүркэнньиги», «Буура Дохсуну» толороро. Ити-
лэртэн олоҕун тиһэх сылларыгар «Алаатыыр Ала Туйгуну» — 52 тыһ. строка-
лаах, 3 үйэлээх олоҥхону, кыыһыгар Акулина Романовнаҕа этэн биэрэн, су-
руйтаран Тыл, литература институтун фондатыгар туттарбыта. Маны таһынан
сэрии кэннинээҕи сыллартан саҕалаан элбэх ырыаны, хоһоону, чабырҕаҕы су-
руйталаабыта. Олортон бэрт аҕыйахтара эрэ «Ленинской тэрийээччи», «Кыым»
хаһыаттарга, «Хотугу сулус» сурунаалга бэчээттэммиттэрэ.
Григорий Семенович Тарскай, тылбаасчыт
(1 9 0 8 -1 9 8 2 )
Тылбаасчыт, литературнай критик, Саха Республикатын культуратын үтүө-
лээх үлэһитэ. 1964 с. ССРС суруйааччыларын союһун чилиэнэ. Нуучча уонна
омук классиктарын айымньыларын элбэҕи тылбаастаабыта.
Айымньылара: П.Черных-Якутскай. — Дьокуускай, 1964 .
А.М.Горькай айымньылара сахалыы тылынан. Ыйынньык. — 1964 с.
Ыстатыйалар, ахтыылар. — Дьокуускай, 1975 с.
Иван Андреевич Бочкарев, прозаик
(1 9 1 4 -1 9 5 5 )
Поэт, прозаик, хас да драматическай айымньылар автордара. 1953 сылтан
республика хаһыаттарыгар уонна «Хотугу сулус» сурунаалга очеркалара, фелье-
тоннара, дьоҕус кэпсээннэрэ бэчээттэммиттэрэ. «Көтөллөр кой чыычаахтар»,
«Күн көстүүтэ», «Туундара туллуга», о.д.а. пьесалары, драмалары, «Туман арыл-
лыыта» (1966) сэһэни «Дойдум дьоно» (1962—1966) романы, элбэх кэпсээн-
нэри суруйбута. Драматическай айымньылара Саха театрыгар, республика ку-
лууптарыгар туруорулла сылдьыбыттара. Литературнай нэһилиэстибэтэ үксэ
бэчээттэммэккэ хаалбыттара.
Айымньылара: Анаабыр табаһыттара. — Дьокуускай, 1959 с.
509