Page 594 - Дүпсүн сирэ

Кэпсээннэр. — Дьокуускай, 1960 с.
Көрүдьүөстээх кэпсээннэр. — Дьокуускай, 1969 с.

Виктор Федорович Афанасьев-Алданскай
(1917-1993)

Сатирик-поэт. 1991 сылтан норуоттар икки ардыларынааҕы суруйааччы-
лар союзтарын чилиэнэ. Дүпсүн улууһун маҥнайгы Өспөх нэһилиэгэр орто
бааһынай кэргэнигэр төрөөбүтэ. Биэс уонус сыллартан оҕолорго анаан сати-
рическай хоһооннору, үгэлэри суруйбута.
Айымньылара:
Дьоллоох оҕолорго. Хоһооннор. — Дьокуускай, 1952.
Сахам сирэ барахсан. Хоһооннор, үгэлэр. — Дьокуускай, 1959.
Күҥҥэ түспүт күлүктэр. Үгэлэр, сатирическай хоһооннор. — Дьокуускай,
1968.
Ис эриэнэ. Үгэлэр, сатирическай хоһооннор. — Дьокуускай, 1972.
Эҕэлээх этиилэр, тынырахтаах тыллар. Үгэлэр, сатирическай хоһооннор. —
Дьокуускай, 1978. Ону таһынан хас да нууччалыы хоһооннорго кинигэлэрдээх.
Николай Иннокентьевич Федоров-Моото
(1 9 2 6 -1 9 9 8 )
Сүнньүнэн лирик-поэт этэ. ССРС сибээһин туйгуна. Дүпсүн улууһун Чэ-
риктэй алааһыгар Дүөндүгэ төрөөбүтэ. 1944 с. Дүпсүн сэттэ кылаастаах оскуо-
латын бүтэрбитэ. Учуутал эдьиийэ уһуйан, поэзия алыбыгар ылларбыта. Отут-
тан тахса сыл устата почтальонунан үлэлээбитэ.
Биэс уонус сыллартан республика хаһыаттарыгар лирическэй-хоһоонноро
элбэхтик бэчээттэнэллэрэ. Алта уонус сыллар саҕаланыыларыгар «Маҥнай
ыыппыт суруккар» диэн хоһоон кинигэтин бэлэмнээн издательствоҕа киллэр-
битэ кыайан тахсыбакка, устунан сүтэн хаалбытыттан автор хомойоро.
Автор уларыта тутуу кэннинээҕи сылларга советскай-коммунистическай ту-
тул ситэтэ суох ыар, баттыгастаах өрүттэрин арыйан көрдөрөр хоһооннорун су-
руйан испитэ. Хоһоонноро «Кыым», «Эдэр коммунист» «Саха сирэ», «Сахаада»
хаһыаттарга, «Хотугу сулус» сурунаалга бэчээттэнэн тахсыбыттара.
Айымньылара: Мин баайым. Хоһооннор. — Дьокуускай: «Сорук»,
1997. - 48 с.
Василий Афанасьевич Босиков
(1928)
РФ журналистарын союһун чилиэнэ. Публицист-суруйааччы. Россия, Саха
Республикатын культуратын үтүөлээх үлэһитэ, Ойуунускай аатынан Государ-
ственнай бириэмийэ лауреата, Уус Алдан улууһун Бочуоттаах гражданина, Му­
зыка Үрдүкү оскуолатын ректора.
Дүпсүн улууһун Чэриктэй алааһыгар төрөөбүтэ. Василий Афанасьевич 40-
тэн тахса сыл культура эйгэтигэр үлэлээбит кэмигэр культура уонна искусство
5 1 0