Page 25 - Баһылай-Мүрү. Лена тэрээһиннээх хаһаайыстыба

тутууну “Айар-строй” тэрилтэ салайааччыта С.И.Сергеев иилээн-
саҕалаан ыытар. Саһылыкаан курдук кытыы сиргэ маннык улахан
толору механизациялаах комплекс тутуллуута - үлэһиттэр үлэлэрин
түмүгүн сөптөөхтүк, табатык сыаналааһын бэлиэтэ дии саныыбын.
“Лена” тыа хаһаайыстыбатын производственнай кооперативын
председателинэн үлэлиир кэммэр СР бастакы президенэ Михаил
Ефимович Николаевы, кини үлэлээбит үлэтин салҕаабыт Вячеслав
Анатольевич Штыровы, Егор Афанасьевич Борисовы кытары атах
тэпсэ, сирэй көрсөн олорон аһаҕастык кэпсэппит түгэннэрбин бу
баардык күндүтүк саныыбын, киэн туттабын. Бу саха норуотун
олоҕун уйгута тупсарын туһугар туруулаһан үлэлээбит дьоһун
салайааччыларбыт оҥорбут үтүөлэрин-өҥөлөрүн тыа сирин хоһуун
дьоно умнубаттар, үтүө өйдөбүлүнэн ахталлара оруннаах. Кырдьыга
даҕаны оннук.
Михаил Ефимович үрдүк дуоһунаска Федерация Сэбиэтигэр
үлэлии олорон, тыа дьонун үлэлэрин-хамнастарын, олохторун-
дьаһахтарьш өрүү билсэрэ. Биһиги хаһаайыстыбабыт сайылыктары-
гар сылдьан үлэһиттэри кытары сирэй көрсөн аһаҕастык үөрэ-көтө
кэпсэтэн, санааларын үллэстибитэ, үгэһинэн сүбэ-ама биэртэ-
лээбитэ. Ити күн киэһэтигэр “Өлүөнэ-М үрү” систиэмэтинэн
толоруллубут ыраас күөл эмис соботун илимнээн үөрдэ-көтүтэ
сиэппиппит.
—Сиэбиэһэй собо балык минэ барахсан үчүгэйиэн, былыр
биһиги өбүгэлэрбит сибиэһэйтэн сибиэһэй аһылыгынан аһаабыт
буоланнар үлэни да кыайа-хото үлэлииллэрэ, доруобуйалара да уһун
этэ, — дии-дии Михаил Ефимович эмис собо минин үөрэ-көтө иһэ
олороро бу баарга дылы. Туох да кистэлэ суох, кини тыа хаһаайыс-
тыбатын министринэн үлэлиир сылларыгар саха сиригэр тыа
хаһаайыстыба муҥутуурдук сайдыбыт кэмнэрэ этэ. Ону мин оччо-
лорго производстваҕа быһаччы үлэлээбит киһи буоларым быһыы-
тынан этэбин.
Отгон Вячеслав Анатольевич Штыров анаан-минээн Суотгуга
вертолетунан көтөн кэлэн Хоноҕор кулуубугар нэһилиэнньэни
кьггары мунньахтаан, тыа сирин олохтоохторун үлэлэрин-хамнас-
тарын ирэ-хоро билсэн барбыта.
“Лена” тэрээһиннээх хаһаайыстыбатын 15 сыл салайбьгг кэрчик
кэмнэрбин кылгастык билиһиннэрдэхпинэ итинниктэр. Бииргэ
алтыһан үлэлээбит салайааччыларбын, үлэлэспит табаарыстарбын
олус истиҥник, күндүтүк саныыбын.

Семен Иннокентьевич Портнягин,
СР норуотун хаһаайыстыбатын утуөлээх улэһитэ,

«Лена» производственнай кооператив председателэ

21