Page 29 - Баһылай-Мүрү. Лена тэрээһиннээх хаһаайыстыба

Суотту отделениетыгар управляющайьшан тыа хаһаайыстыбатьш
курдук уустук салааҕа уһуннук эриллибит, баай билиилээх Гаврил
Алексеевич Неустроев, зоотехнигынан Василий Павлович Свинобоев,
ветврачтарынан Тамара Ивановна Заровняева, Людмила Дмитриевна
Прудецкая хаһаайыстыба туруктаах буоларын туһугар элбэх
билиилэрин-көрүүлэрин, бары сатабылларын уурбуттара. Кинилэр
сыралаах үлэлэрин түмүгүнэн отделениеҕа идэтийии хайысхата
табыгастаахтык киирбитэ, сүрүннээн ынах сүөһү 3 биригээдэнэн
иитиллибитэ. Ити кэмнэргэ совхозка, отделениеҕа механизированнай
кыстык хотонноро, типовой сайыҥҥы титииктэр, ыччат сүөһүнү
аналларынан көрөр хааччахтар сыыйа-баайа тутуллан барбыттара.
Совхоз салалтата оччолорго сүрүн болҕомтотун общественнай
сүөһү аһылыгын бэлэмигэр уурбута. Ол түмүгэр от, сиилэс, эбии
аһылык дэлэйдик оҥоһуллар буолбута. Аһылык бөҕө базатын
тэрийии - бу тыа хаһаайыстыбатын салаатын туруктаах оҥоруу сүрүн
ирдэбилэ. Степан Гаврильевич Охлопков салайар кэмигэр киһи
сөҕөр тэрээһин үлэтэ ыытыллыбыта.
Маны сэргэ ынах, сылгы сүөһүгэ учуот-отчуотунас, племенной
үлэни ыытыыга болҕомто, суолта күүскэ ууруллар буолбута. 1976
сылтан саҕалаан искусственнай сиэмэлээһин киллэриллибитэ. 1980
сылтан иитиллэр сүөһү 100 бырыһыан племенной учуотунан
хабыллыбыта, сүүмэрдээһин, бонитировка далааһына кэҥээбитэ.
Үлэ-хамнас өссөкүүскэ барыаҕын 1971 сыллаахха бруцеллез
ыарыы туран сүөһүнү иитиигэ улахан оҕустарыы, хоромньу
тахсыбыта. Совхоз салалтата, ветеринарнай сулууспа специалистара
бары биир өйүнэн-санаанан салайтаран үлэлээбиттэрин түмүгэр бу
кутталлаах, сыстыганнаах ыарыыттан 1984 сыллаахха босхолом-
муппут. Элбэх бородууксуйалаах боруода сүөһүлэр биир кэппиэй-
кэлээх туһата суох кыргыллыбыттара, совхозка улахан хоромньу
тахсыбыта.
Совхоз производстватыгар ыччаттар төһүү күүс буолбуттара.
Кинилэр көхтөөх кыттыыларынан социалистическай куоталаһыы
сытыытык ыытыллара. Үрүҥ илгэни оҥорооччулар икки арды-
ларыгар икки тыһыынчалаахтар хамсааһыннара, биирдиилээн,
фермаларынан, биригээдэлэринэн, отделениеларынан сирэй
ыҥырсан үрдүк үүт иһин маассабай “раздойдааһын”, үүттээх
ынахтары сүүмэрдээһин ыытыллан үлэ көрдөрүүлэрэ, оҥорон
таһаарыы үрдээбитэ. Совхоз 27 бастыҥ ыанньыксыта икки
тыһыынчалаах кирбиини аһары түспүттэрэ. Хаһаайыстыба биир
чулуу ыанньыксыта Хоноҕортон Мария Мартьяновна Охлопкова
1971 сыллаахха Үлэ Кыһып Знамята уордьанынан наҕараадаламмыта.

25