Page 56 - Баһылай-Мүрү. Лена тэрээһиннээх хаһаайыстыба

“Лена” кооператив тэриллибитин бастакы сылларыгар Нам Үрүҥ
Күөлүгэр оттоон, Арбынтан атыылаһан сылга 200 тонна оту тиэйэн
турардаахпыт.
Тэрээһиннээх хаһаайыстыба биир сүрүн дьарыга сылгы
иитиитэ. Сылгы иитиитин сыаҕын салайааччытынан кооператив
тэриллиэҕиттэн үлэлээбит удьуор сылгыһыттар Белолюбскайдар
сиэннэрэ, СР үтүөлээх сылгыһыта Афанасий Афанасьевич
Белолюбскай кыайа-хото тутан, үтүө суобастаахтык салайан кэллэ.
Дьөһөгөй оҕотун үөрдээн иитиигэ чахчы даҕаны бу салааны ис
сүрэхтэриттэн сөбүлээн, олохторун сүрүн сыала-соруга оҥостон
үлэлииллэрин киһи сөҕө-махтайа, астына көрөр. Сылгы иитиитин
курдук ыарахан салааҕа сылайары-элэйэри аахсыбакка кини төрөппүт
уолаттара Егор, Анатолий Белолюбскайдар, Антон Портнягин,
Василий Яковлев, Александр Степанов үлэ оргуйар үөһүгэр
сылдьаллар.
Совхоз саҕанааҕы үтүө дьарыкпытын тилиннэрэн, сөргүтэн
хаппыыстаны, хортуоппуйу үүннэриинэн дьарыктанан кэллибит.
Урукку өттүгэр хортуоппуйга А.А.О хлопков, хаппыыстаҕа
Ф.Ф.Пермяков туруулаһан туран үлэлээбиттэрэ. Оччолорго
хаппыыста үрдүк үүнүүтүн хомуйарбыт, бэл республика араас
оройуоннарыгар ыытарбыт. Кэнники кэмҥэ үрдүк үөрэхтээх,
уопуттаах агроном Сардаана Яковлевна Бурцева салалтатынан
хаппыыста, хортуоппуй олордуутунан утумнаахтык дьарыктанар
буоллубут. Э тэргэ дылы, ырыынак үйэтигэр үктэннибит,
сатабыллаахтык дьаһанан олорор, ааҕан-суоттаан үлэлиир бириэмэ
кэллэ. Ол быһыытынан республикаҕа кэлии омуктар ырыынагы
хаппыыстанан толордулар. Онон үүннэрбит хаппыыстабытын
батарыыга бэрт ыарахаттары көрсөммүт тохтоттубут. Ол оннугар
хортуоппуйунан бардыбыт.
Механизатор идэтин толору баһылаабыт тракгористар Василий
Портнягин, Александр Степанов, суоппардар Егор Парников, Алексей
Каратаев о.д.а. кооператив инники олоҕор-дьаһаҕар, сайдыытыгар
төһүү күүс буолбуттара чуолкай.
Урукку совхоз саҕанааҕы механизациялаах хотоннор суох
буолбуттарын кэннэ билиҥҥи сииктээх, эргэ хотоннорго үлэлии
сылдьар ыанньыксыттарбыт, ыччат сүөһүнү төлөһүтээччилэрбит
малтөх усулуобуйаны аахсыбакка, сылайары-элэйэри билиммэккэ
күүстээх үлэҕэ сылдьыбыттарын өйдүүбүт уонна махтанабыт. Олох
биир сиргэ турбат, бары барыта эргэрэр, алдьанар, ол сиэринэн
кадр эмиэ кырыйда. Ол иһин ыччаты производствоҕа чугаһатар
сыалтан Хоноҕорго, Саһылыкааҥҥа сүөһү иитиитигэр диэн икки

52